«Монь алязе—Герой!»

Азонттама Левжа велеста СВО-нь ветеранть Сергей Кочневонь колга

Редакциязонк сидеста сашендыхть инжихть. Ня шитнень оцю мяльса васьфтеськ ширесонк мокшалять Сергей Кочневонь. Сергей Николаевич—специальнай военнай операциянь ветеран, казьф Мужествань орденца. Шарьхкотьф, тяфтама казнетне стак аф макссевихть. Инжиенькондивок сон сатовсь аф шава вастса. Специальнай военнай операцияса улемстонза Сергей ашезе ужяля эсь прянц и тись афкуксонь подвиг. Да и передовои, эряви азомс, мокшалясь ашезь учсе тердема, сонць апак пельхть тусь шачема-касома масторонц аралама.

Ёмла Родинац—Левжась
Шачсь-кассь Сергей Кочнев Рузаевскяй райононь Левжа мокшень велеса. Тядяц, Татьяна Дементьевна, покодсь тостонь музыкальнай школаса, ульсь директоркс. Аляц, Николай Петрович, железнодорожник. Кочнефнень семьяса кассть кафта шабат—Сергеень ули Маша сазороц, кона ёмла корязонза вейхкса кизода. Идькс пингоц СВО-нь ветеранть ульсь кода ся пингонь сембе шабатнень. Ёмластокиге содазе трудть таньфонц. Оцюфнень мархта ряцок лядендсь-косьфнесь траксонди тише, аноклакшнесь пенгат, пульхксь-возясь переса. А нинге ваннекшнезе ёмла сазорнянц, ульсь теенза афкуксонь аралайкс. Аньцек тяряфтоль кивок обжамс Машать, эстокиге варжалезе брадонц мокшенданц таньфонц.
Омбоце класста сявомок Сергей ушедсь якама музыкальнай школав. Васенда морсесь балалайкаса, сяльде гитараса, баянца, пианиноса, кантробасса, барабанца… Ёмластокиге приметафоль сонь музыкальнай асушиц. Аф стак школать аделамдонза меле поступась Л.П.Кирюковонь лемса Саранскяй музыкальнай училищав.
Дипломонь получамда меле Сергей тертьфоль армияв. Службанц ётазе Забайкальскяй крайса пограничнай войскатнень эса. Мзярда мрдась куду, васенда трудендась музыкальнай школаса, меле охранникокс, спасателькс.

Левжаста—Якутияв
2007 кизоня Сергей рьвяясь и ётась эряма рьванц шири—Якутияв. Тоса сон покодсь аэропортса. Пингонь ётазь Кочнефнень шачсь цёрасна Артём, а меле—стирьсна Кира. Но Якутиянь кельме климатсь ашезь ладя шабатненди: Артёмонь ушедсть паморема пеенза, а Кирань пяярсть шяяренза. 2014 кизоня Кочнефне ётафтозь отпускснон Мордовияса и няезь, кода тяса шабасна полафтсть сельминголе. Эста мирттне-рьвятне примасть решения мрдамс республиказонк.

Фронту тердема ашезь учсе
2022 кизонь сёксеня ушедсь мобилизациясь. Сергей ашезь карма учендома, мзярда кандыхть повестка, омбоце шиня ни сонць сась военкомату. «Тейне ашель кода тиемс лиякс,—азозе Сергей.—Тяфта, улема, воспитандамазь тядяне-аляне. Кда шачема-касома масторсь терди, лисенди, теенза эряви лезкс, и ащекшнемс ширеса тя пингста, арьсян, аф ломанькс. Алязень атяц ульсь Великай Отечественнай войнань участникокс. И тейневок эрявсь няфтемс цёразти цебярь пример, штоба пингонь ётазь афоль уле визькс ваномс сонь сельмозонза».

Позывноец «Музыка»
Специальнай военнай операциянь зонаса рядовойсь Сергей Кочнев повсь Херсонскяй направленияв. Сон ульсь пулемётчикокс. Позывной эстеенза кочкась, кирдемок мяльса профессиянц—«Музыка». Кельгома тевонц—музыкальнай инструментса морамать мархта Сергей ашезь явонда передовойсовок. Нинге СВО-нь зонав тумда инголе, Ульяновскяйса боевой слаживаниянь ётамста, Мордовиянь Оцюнясь Артём Здунов, мзярда васетькшнесь боецнень мархта, макссь Сергеенди гитара. Передовойса ваймосемань пингста сон най морсесь служай ялганзонды музыкальнай тя инструментса, кода мярьгихть, кепсезе синь боевой духснон.

Мекольце тюремась
СВО-са Сергей Кочнев сувсесь штурмовой отрядти. Ётай кизонь 12 декабрьста сон прважафоль Крынки велеса опорнай пунктть сявоманц коряс боевой задачань пяшкодема. Кода лятфнесы Сергей, тя тюремась мольсь пцтай кота частт. Васенце частть ни колмотне отрядстост ранендафтольхть. Синь ётксостоль и рядовойть Кочневонь ялгац.
«Мезе тиемс? Кода улемс?»—шарсть Сергеень пряса мяльхне. Ашель кода тарксемс пингть, вдь тоса шудесь верса боевой ялгац и кда теенза аф лездомс тяникиге, меле ули поздна. А вельхкссост вии вармакс лиендсть пулемётчикнень и снайперхнень снарядсна. Ляцендихне, мярьгат, аньцек и учсть, мзярда кие-бди лиси ранендафнень таргама. И Сергей лиссь. Лиссь пелемань апак содак и эсь прянь аф ужяльдезь. Фкясь мяльсонзоль—араламс ялганц. И сон тиезе тянь. Но сонць, ужяленди, стакаста ранендафоль: види пильгонц мархта шятясь минать-«колокольчикть» лангс. Пильгонц сязезе…
Сергей нинге мусь вийхть сотнемс пильгонц жгутса, штоба аф шудемс верса. А мзярда шоподсь, сонць, лезксфтома, лиссь тюремань паксяста.
Сонь пачфтезь васенце медицинскяй лезксонь максомань пункту, а тоста—севастопольскяй госпитали.
Госпитальса мокшалясь ётафтсь аф фкя ков. Куду мрдась тяддень 15 майста. «Защитники Отечества» фондть лезксонц вельде курокста получась протез и тяни тонаткшни од эряфти.
Тюремаса няфтьф мужестванкса, воинскяй долгти вернайкс улеманкса Сергей Кочнев казьф Мужествань орденца.

«Монь алязе— Герой!»
Тяфта лиссь, што Сергей Кочнев ськамонза касфтсыне шабанзон. Виде, тя тевса теенза лезнихть аляц и тядяц. Артём и Кира маряйхть аляснон инкса оцюдонга оцю гордость. Мелянь июльста, мзярда Сергей сашендсь отпускс, усксь мархтонза котелок, фляжка, тактическяй сельмованомат и балаклава, конань казезе Артёмонди. Аш ни конашкава павазуста и прянь шнафтозь якась цёрокшсь Левжать эзга. А меле Артём сёрмадсь алянцты лемтьф стихотворения:
Я мордвин—и этим я горжусь!
Я люблю страну свою родную!
Чтобы ни случилось с ней,
Помчусь защищать, как папа,
Русь святую!
Мой отец—участник СВО,
Цену смелости, я думаю, он знает.
Нам с сестрёнкой крупно повезло:
Он покой и сон нам охраняет!
Вы на фото устремите взгляд:
Наш Глава гитару там вручает папе моему,
А я—так рад!
Знаю: песней он врага сломает!
Пусть та песня пронесётся сквозь года,
Глас народа пролетит сквозь стены!
Скажем миру: ни за что и никогда
Ни пред кем не встанем на колени!
Пусть о ратных подвигах идёт молва!
Узы братства никогда не потеряем!
Буду помнить папины слова:
Помни, сын, своих мы не бросаем!
Тя стихотворениять мархта Артём примась участия творческяй работань конкурсса, конань ётафтозе МР-нь Госсобраниясь, и занязе васенце вастть.
Тяниень пингть специальнай военнай операциянь ветеранць Сергей Кочнев эряй Левжаса, пуропни вийхть. Кемокстамок шумбрашинц, арьсекшни лисемс покодема школав. Мялец сяда сиденяста васьфнемс шабатнень мархта, азонкшнемс теест патриотизмать, шачема-касома масторти кельгомать колга. «Шабатненди эряви содамс, кодама питнеса сатневи сетьме эряфсь и, конешна, ся ломаттнень квалма, конат фронтса аралакшнесазь странаньконь иэрь шиня тиендихть подвикт».
Ольга Евдокимова.

Последние новости

В Мордовии растет количество госзакупок у самозанятых

Одно из ключевых направление национального проекта «Малое и среднее...

В Мордовии благоустраивают общественные территории 

В Рузаевке в рамках федерального проекта «Формирование комфортной городской...

Команда «Бизнес-десанта»проконсультировала предпринимателей Торбеевского района

Центр «Мой бизнес»проводит активную работу в районах Мордовии по...

В Мордовии ведется капитальный ремонт дороги до с. Новая Карьга

ВКраснослободском районе Мордовии приступили к капитальному ремонту автодороги «Подъезд...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Тройцясь—Малавса

Святой Тройцять келиста отмечсесазь пцтай эрь велеса. Цебярь тяфтама...

В Мордовии растет количество госзакупок у самозанятых

Одно из ключевых направление национального проекта «Малое и среднее предпринимательство» - это поддержка самозанятых.  Почти 4,5 млрд рублей по России составил общий объем закупок у...

В Мордовии благоустраивают общественные территории 

В Рузаевке в рамках федерального проекта «Формирование комфортной городской среды» национального проекта «Жилье и городская среда» идет благоустройство Аллеи Славы на улице Куйбышева. Эта...

Команда «Бизнес-десанта»проконсультировала предпринимателей Торбеевского района

Центр «Мой бизнес»проводит активную работу в районах Мордовии по информированию предпринимателей о возможностях государственной поддержки. На этой неделе специалисты провели встречу с представителями малого...