Тяддень февральста Мордовиянь внутренняй тевонь органу ярмакнень саламаснон колга заявления мархта пшкядсь республикань 90-да лама эряй, конат юмафтсть 32 миллионда лама цалковай.
Преступлениянь тиемань инь сидеста васьфневи способкс арасть сим-картать и связень услугатнень договорснон действияснон пингснон кувалгофтомасна, а нинге аф санкционированнай списанияда и аф содафнень мархта кредитонь сявомада, а меле ванфтф ярмакнень тяфта лемневи резервнай счётс ётафтомада араламась.
Стаки васьфневихть ярмаконь саламат бта работама сявомста или маркетплейснень эса ярмаконь добувамста, ярмакнень инвестированияснон пингста, интернетса товархнень рамамста и мишендемста.
Мордовия Республикать эзга МВД-сь лятфни: кда теенть гайфтсть ломатть и азозь пряснон банконь или полициянь сотрудникокс—гайфтеда тинць финансовай организациянь и правоохранительнай органонь официальнай номерхнень коряс.
Тяда ётафне инголи пандома лаца ярмакт товаронкса, а стане же тясть пачфне киндивок банковскяй картать сембе реквизитонзон, PIN-кодть, CVC/CVV-коттнень и операциятнень тиемаснон инкса тевс весть ноляви парольхнень. Ярмакнень ётафтоманкса сатомшка содамс банковскяй картать номеронц.
Нят мошенникт!
Кода синь содамс?
1.Гайфтема «банконь сотрудникть» (специалистть, безопасностень работникть), «следовательть» эзда;
2.пачфнихть ярмакнень саламаснон мархта сотф тяряфтомать колга;
3.мярьгондихть тиемс блокировка аф санкционированнай операцияти или ётафтомс ярмакнень «аф пелькс» счётс;
4.эняльдихть азомс банковскяй картать реквизитонзон, сонь омбоце ширестонза араламань кодть и телефонти сашенды парольхнень.