Ханты-Мансийскяйса шумордавсть стака ранения мархта СВО-нь ветераттненди спортонь тялонь виттнень коряс пялькстоматне, конат ётафтовсть «Отечествань аралаень Кубкать» рамкаса. Пялькстоматнень эса примась участия спецоперациянь 300-та лама ветеран странань 60 регионцта. Мордовия Республикать няфтезь Виталий Логунов, Виктор Суглин и Николай Кашкин.
14 мартста 3 вайгяльбень кувалмоса дистанция мархта свободнай стильса соксонь арнематнень (гонки) коряс пялькстоматнень эса Виталий Логунов ётазе трассать 10 минутаста 58 секундаста, занямок нилеце вастть эсь группасонза. Николай Кашкин пачкодсь финишти комсь вейхксоцекс 18 минутаста 57 секундаста. Кафцьке ётазь трассать протез лангса.
16 мартста ётафтовсть биатлонть коряс пялькстомат, конатнень эса Виталий и Николай занязь 17-це и 35-це васттнень.
17 мартста СВО-нь ветераттне пялькстсть горнолыжнай арнемаса. Виктор Суглин, кона участвовандась кафта протез лангса, занязе васенце вастть эсь группасонза.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+