Мордовияса панжевихть «Точка роста» од центрат

2023 кизоня Мордовияса панжеви «Точка роста» образованиянь нинге 30 од центра. Синь панжевихть велетнень и ёмла ошнень эса. Тянь удалай сатомс «Образование» национальнай проектть вельде. Тяфтама центратнень видеса кармайхть ётафневома биологиянь, физикань, химиянь урокт, а стане жа дополнительнай образованиянь курсат.
Центрань лабораториятненди тяниень пингонь оборудованиянь рамаманкса нолдаф 65,8 миллион цалковай. Ня средстватнень лангс рамавихть естественно-научнай дисциплинатнень коряс цифровой лабораторият, цифровой микроскопт, робототехническяй наборхт, тяниень пингонь ноутбукт и лама функциянь устройстват.
«Точка роста» центрась—тяниень пингонь образовательнай организация естественно-научнай и технологическяй направленностень учебнай предметтнень тонафнеманкса.