Мордовияста Кижменёфнень-Афониттнень семьясна сяськсь конкурсса

7-8 июльста Чебоксары ошса ётафтовсь «Успешная семья Приволжья» Приволжскяй федеральнай округонь конкурсть мекольце этапоц. Мордовияста эсонза примась участия Кижменёфнень-Афониттнень семьясна Темников ошста.
Тя фестивальсь-конкурссь ётафневи 2013 кизоста сявомок. Кафта кизот мельцек ётафневсь Мордовияса. Тядде Чебоксары ошса няфтезь эсь вийснон ПФО-нь 14 инь цебярь семьясь (150 лама участник). Конкурсти нолдавсть ся семьятне, конат касфтыхть 3 или сяда лама идь, синь лувкссост усыновляндаф и опекас сявф шабатневок.
7 июльста Чувашскяй Государственнай филармонияса ётафтовсь конкурсть торжественнай панжемац. Пялькстомась ащесь 4 пяльксста: «Семьять презентацияц», «Свободнай темас творческяй номер», «Культурно-познавательнай конкурс», «Эсь регионцень колга азондома». Шумордавсь сембось 8 июльста Гала-концертса и сяськихнень каземаса.
Темниковскяй райононь Кижменёфнень-Афониттнень семьяса касыхть 10 итть, 8-тне эздост—приёмнайхть. Валерий Николаевич и Татьяна Анатольевна арасть содафокс 2014 кизоня. Ся пингти Татьянать ульсть ни 4 шабадонза, 3-тне эздост приёмнайхтельхть. 2018 кизоня шачсь стирнясна Арина, а 1,5 кизода инголе Татьяна и Валерий примазь семьязост 2 кизоса Наташать. Ёфси аф кунара лувкссна тага кассь, эвондасть нинге 4 шабат.
Семьять оцюняц Валерий Николаевич покоди «Лесохотохранаса», совестьс коре лама киза покодеманкса казьф Российскяй Федерациянь Природнай ресурсонь и экологиянь министерствать Почётнай грамотанц мархта. Татьяна образованияс коре педагог-психолог, работай Темниковскяй райононь Культурань и досугонь дворецса библиотечно-выставочнай работать коряс специалистокс. Лама идь мархта тядясь мушенды пинге творчествативок—панчсь някань мастерской, тиенди сувенирнай продукция. Мекольце 4 кизотнень няканза—республикать шнама вастоц «Сянгяря недяля» выставкаса Германияса. Татьяна Анатольевна казьф Мордовия Республикань лама идень тядянь Почётнай дипломса.
Шабатне касыхть сембе ширде асукс, кода и тядясна-алясна. Оцю стирьсна Настя прафты кштимати и авань кядьтефненди, лезды тядянцты кудъётконь тевса. Влад сафтсы сембе ширде, ёрай тумс тонафнема автослесарькс. Варя—спортсменка, налхки волейболса, улихть сатфксонза лёгкай атлетикаса, но тяка пингть лац рисовандай и морай. Максим ётка пингонц ётафнесы ёмла сазорнянзон-дуганнянзон мархта, лезды тядянцты ваномс мельгаст.
«Эрь шабати эряви касомс кельгомаса. Мирдезень мархта ёраме каземс заботаньконь хуш фкя идняти, кона аф содасы, мезе стамсь тядянь кельгомась. Сяс, мзярда 2006 кизоня шачсь васенце стиреньке Варя, саме мяльс сявомс семьязонк уроз идня. Опекань оргаттне азсть мяль сявомс кафта ёмла иднят—дугання и сазорня. Мирдезень мархта арьсеме и максоме согласия. Тя ульсь 11 кизода инголе. Владислав и Анастасия эстокиге арасть семьясонк эсь ломанькс. Синь лац васьфтезень 5 кизоса стирняньке Варя.
Сяда меле семьясонк эвондась Максим. Срадсь приёмнай фкя семья, и эрявсь сяда курок мумс Максимонди од семья, штоба сон афоль пова идень куду. Опекась кизефтемазь, ули-аш мяленьке сявомс цёранять семьязонк. Минь сявоськ»,—лятфни Татьяна Анатольевна.
Сяльде Татьяна явсь васенце мирденц мархта. Лиссь рьвакс омбоцеда. Тяни Татьяна и Валерий 10 шабаснон мархта эряйхть кафта этажса оцю кудса, вастсь сатни сембонди!
Тядятне-алятне шнафтыхть пря идьснон сатфксснон мархта, но сяка арьсихть, што оценкатне—тя аф сембода эрявикссь эряфса. Главнайсь—улемс видешинь, трудонь кельгикс, пара вайме ломанькс. Тяфтома эряфса аш кода, сяс родительхне тиендьсазь семботь, штоба иттне содалезь эряфонь тя ширетнень ёмластокиге.
«Конкурсти анокламе пцтай ков,—пачфтезе газетаньконь корреспондентонцты лама идень тядясь.—Стаме костюпт, сёрмадоме сценарий, тонафнеме сиде моронят, ётафнеме репетицият пцтай эрь шиня 2-3 частонь. Конкурсти анокламе райононь келеса. Ламоса лездсь районнай администрациясь».
Семьясь пяк лац няфтезе прянц и марнек Мордовиять «Успешная семья Приволжья» конкурсса. Кижменёфне-Афониттне сяськсть «Доброе сердце» номинацияса.


О. ПЛОТНИКОВА.

Последние новости

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря...

В Мордовии закупается оборудование для региональных сосудистых центров

В рамках регионального проекта «Борьба с сердечно-сосудистыми заболеваниями» национального...

Благодаря нацпроекту предпринимателей Мордовии научили успешно вести бизнес онлайн

Министерство экономики, торговли и предпринимательства РМ совместно с Центром...

Благодаря нацпроекту бизнес Мордовии узнал, как работать в рамках закона

Министерство экономики, торговли и предпринимательства РМ совместно с Центром...

Рационализаторы Мордовии могут принять участие в образовательной программе

Минэкономразвития России совместно с АНО «Агентство развития профессионального мастерства (Ворлдскиллс Россия)» реализует программу подготовки команд рационализаторов. Эта работа ведется в рамках федерального проекта «Системные...

Благодаря нацпроекту для бизнеса Мордовии прошёл уникальный стендап-семинар

Министерство экономики, торговли и предпринимательства РМ совместно с Центром «Мой бизнес» оказывает поддержку субъектам МСП Мордовии.В рамках Недели предпринимательства по национальному проекту «Малое и...

В Зубовой Поляне прошел мониторинг выполнения народной программы «Единой России»

Партийный десант в составе  Главы Зубово- Полянского района, секретаря Зубово- Полянского местного отделения партии Владислава Поршина  совместно с представителями родительского сообщества  и администрации Зубово-Полянской   школы  №1 имени Героя Советского Союза...