Мошенникне эвфнесазь ломаттнень ипотекать коряс просрочкать мархта

«Стопмошенник13» телеграм-каналсь пачфни, што мошенникне ушедсть эвфнемост ломаттнень ипотекать коряс просрочкать мархта.
Тянь колга азондсть ВТБ-ть пресс-службасонза. Мошенникне банконь сотрудникть лемста пачфнихть кредитть коряс просрочкать коряс. Шарьхкотьф, што кодамовок просрочка аш. Нльне мзярда ломанць содасы, што семботь паннесы эсь пингстонза, мошенникне содайхть синценнеть. Мезе ули вийса верондафтыхть банкть мархта прябалать колга. И сон решандама тяникиге. Нинге, кле, тянь коряс сембе сведениятне улихть кредитнай историянь бюроса.
Сяда тов мошенникне мярьгондихть азомс СНИЛС-ть и кодть, кона сай СМС-са. Получамок синь, мошенникне сувайхть госпорталу и онлайн-банконь личнай кабинету, а меле теест ули кода валхтомс уликс счёттнень эзда ярмакнень или сявомс кредит.
Мошенникне фалу арьсихть од схемат. Нинге синь гайфнихть ломаттненди и азондсазь пряснон Почтань сотрудникокс. Пачфнихть, што ломанть лемс сась омба масторста посылка, а инксонза пандома таможеннай сбор. Штоба атказамс посылкать эзда, конань ломанць ашезе заказакшне, мошенникне мярьгондихть азомс СМС-сообщенияса саф кодть. Валснон коряс, тя эряви, штоба официальнайста атказамс посылкать эзда.
Тяфта мошенникне получайхть доступ банковскяй мобильнай приложенияти или «Госуслуги» порталса учётнай записти. А меле лихнесазь счёттнень эзда ярмакнень, сявондихть лемозост кредит или макрозайма.
Киндивок тясть пачфне персональнай даннаентень!