МЯЛЯФТОВИ ВАСЕДЕМА

1992 кизонь 14-15 мартста Саранскяйса ётась мокшетнень и эрзятнень васенце съездсна. Съезду кочкафоль 600 лама делегат, тяконь лувксса кафта сядошка ломань лия областтнень эзда. Сашендсть делегатт Самараста, Казаньцта, Ульяновскяйста, Нижняй Новгородста и лия регионцта. Тя оцю пуромксса примась участия и минь земляконьке, Советскяй Союзонь Геройсь, легендарнай лётчиксь М.П.Девятаев.
Сире Теризморгань школаса тонафнись Иван Волгапов «Мокшень правдаса» аф кунара сёрмадсь, што Н.М.Кадерова лац содазе М.П.Девятаевонь. Теенза лемдсть мора. Тя съездсовок Нина Михайловна васьфнесь Михаил Петровичень мархта и казезе эсь пластинкаснон. Тянь квалма Н.М.Кадерова аф весть азонкшнесь шабатнень мархта васьфтемста.