Народть подвигоцаф юкстави мзярдовок

Сяськомань Шись—фкя инь валда и кельгови иланьке. Сизьгемонь вейхксые киза минь эрятама и работатама, касфнетяма итть сетьме менель ала. Сизьгемонь вейхксые киза валдопнесы странаньконь Великай Отечественнай войнаса сатф Сяськомать валдоц. Стакаста, пяк стакаста сатовсь сон тейнек…
Аф ёмла путкс Великай Сяськомати путсь и мокшэрзянь краеньке. 240 тёжяньда лама аля и цёра прважафоль фронту Мордовияста. Пялесна куду ашесть мрда…
Тячи минь гордостень марязь кунцесаськ армиянь генералть М.А.Пуркаевонь, генерал-полковникть И.В.Болдинонь, легендарнай лётчикть, Советскяй Союзонь Геройть М.П.Девятаевонь, Славань ниле орденонь кавалерть В.С.Налдинонь и мокшэрзянь масторть лия цёранзон лемснон. Республикастонк 110 тёжянь ломанць казьф орденца и медальса, 124 ломанць получась Советскяй Союзонь Героень лем.
Курскяй дугаса вишке тюрематнень эса аф пелезь тюрсь и максозе эряфонц Родинать инкса Чамзинка аймакста земляконьке А.М.Гордеев. Тяка жа бойть пингста Кадошкинаста В.А.Малофеев машфтозень врагть сисем танканзон, мезенкса казьфоль Ленинонь орденца.
Оцюдонга оцю героизма няфтсть Мордовиянь цёратне Днепр ляйть туркс ётамста. Тя операцияса аф кржа земляконьконди максфоль Советскяй Союзонь Героень лем.
Мокшэрзянь крайть стиренза и цёранза тюрсть фашисттнень каршес партизанскяй отряттнень и подпольнай организациятнень эзга, а кудса лятфне—аватне, шабатне и сиретне сембе виень-эрьгянь макссезь маласькофнезь Сяськомать тылса.
Маень ня шитнень минь сюконятама сятнень лятфнемста, кит максозь эряфснон инксонк, казсть тейнек валда и сетьме эряф.
9 Майть, Сяськомань Шить, мархта, кельгома ялгат! Арьсетяма сембонди шумбраши, паваз и мирнай менель!