Атюрьевскяй райононь Кяшал велеть тячи сизьгемоньшка процентоц эряфкшу ломатть. Но мзярда-бди сембе синь трудендакшнесть «Партизанский», «Кишалинский» совхоснень эса, «Стрельниковское» ограниченнай ответственность мархта обществаса, промкомбинатса, Атерень МСО-нь кирпицень тиема заводса, школаса, велень администрацияса и лия вастса. Кепотьксонди, И.И.Агутин—передовой водителель «Партизанский», «Кишалинский» совхоснень эса. Тоса трудендакшнесь школаса. В.Ф.Четыркин тожа ушеткшнезе «Партизанский» совхозста. Тоса ульсь директоркс «Кишалинский» совхозса, оцюнякс Кяшал велень поселенияса. Сембе эсь эряфснон максозь Кяшал велень средняй общеобразовательнай школати Ф.А. Богданова, В.И. Руськина, И.Г. Руськин, С.П. Девятаев, С.Н. Девятаева и ламотне лиятне.
Тяни сембе синь почётнай пенсионерхт, Кяшал велень шнама ломатть. Тяни моли сире ломанень ковсь. Кяшал велень поселениянь администрациясь, культурань работникне ашезь юкста сире ломаттнень. Анокласть цебярь концерт, тердезь ваномонза сембе велеряйхнень. М.Н.Алямкинада башка морасть Атерень культурань кудонь работникне Николай Пугаев, Николай Петров, Анна Тамбовцева, Екатерина Ермолаева, Нататлья Калинкина и ламотне лиятне. Илась афкукс пяк удалась. Ульсть морот, сиде моронят, кштимат, лямбе валхт, стихт. Ульсь и каванямбяльхть: пачат, поза и лама лия ярхцамбяль.
Ломаттне тусть куду кепотьф мяльса. Тянемс лятфнесазь тя весяла илать.
Илья Вешкин.