ОЧАКОВ КРЕПОСТТЬ СЯВОМАЦ

1788 кизонь 17 декабрьста рузонь войскатне князть Григорий Александрович Потёмкинонь командованиянц ала сявозь Очаков турецкяй крепостть. Сон ащесь Равжа морять трваса Днепрать ляень прама вастонц маласа.
Русско-турецкяй войнать, кона ушедсь 1787 кизонь 13 (24) августста, пингста военнай тефне мольфтевсть фкя пингть кафта театратнень эса—Крымса и Севернай Кавказса. Очаков крепостть инкса тюремась, конань вельде ульсь кода кирдемс контроль Днепрань лиманть лангса, арась фкя инь оцюкс и мяляфтовикс тя войнаса.
1788 кизонь 6 (17) декабрьста 7 частста шобдава ушедсь Очаков крепостть штурмоц. Васенда фатяфтольхть Очаковть и Гассан-пашань замканц ёткса турецкяй укреплениятне. Меле рузонь войскатне атаковандазь модань центральнай укреплениятнень и лиссть крепостень ортатненди и бастиоттненди. Улемок кяшфокс артиллерийскяй толть мархта, гренадёрхне ётазь крепостень стенать. Крепостьса тюремась мольсь кафта частть малава.
Штурмть пингста князсь Г.А.Потёмкин ульсь батареятнень эзда фкаса и ванць семботь мельге. Мзярда теенза вятезь крепостень комендантть Гуссейн-пашань, генералсь-фельдмаршалсь кяжиста мярьгсь: «Тонь аф кулхцондыкс улемацень инкса лиссь веронь тя шудемась». Мезть лангс сон отвечась: «Кадыть шава апрякаматнень, пяшкодине эсь шумозень, кода тон тонценнеть, судьбась тиезе тевть».
Очаковть сявоманкса князсь Потёмкин Екатерина II эзда получазень полководческяй инь оцю казнеть, кона ульсь ся пингть—Святой Георгиень I степенень орденонц, бриллиантса мазоптьф шпагать и 100 тёжянь цалковайть. Казнет получасть и крепостень сяви участникневок.