Од кизонь казне

27 школьнай автобус и курокстонь лезксонь максомань 12 машина сась республикав Россиянь Президентть и Правительствать лезксснон вельде. Фкя автобуссь максф Курташкань средняй общеобразовательнай школав. Од техникась отвечай тяниень пингть сембе вешфксонзонды. Эсонза ули сембось, штоба пачфнемс шабатнень школав тонафнема Вольно-Никольскяйста, Оброчнайста, Курташкань ичкоздень Приречнай ульцяста.
—Тя школаньконди Од кизонь оцю казне,—мярьгсь Курташкань средняй общеобразовательнай школань директорсь Н.И.Бурнашкин.—Тянь колга арьсекшнеме кунара ни. Ташта автобусса ульсь 22 васта, а усксемс эряви 27 ученик. Водительсь кой-коста тиендсь кафта рейст. Тяни тя прябалати путф пе. Од автобусса 31 васта. Иттнень, учительхнень, родительхнень лемста азан оцю спасиба странаньконь, республиканьконь, райононьконь вятиензонды.
Од автобусть мархта кармай работама тевонь содай водительсь А.П.Коновалов. Иттнень и салонца дисциплинать инкса отвечай козя опыт мархта воспитательсь-педагогсь Л.В.Митяйкина. Иттнень кенярдемаснонды аш пе. А синь кядьстост вешфкссь фкя—лац тонафнемс.
И.Сидоров.
Снимкаса: од автобусса иттнень кармай усксемост А.П.Коновалов.