Октябрть павазу тяштенц ала

Велень хозяйствань ветеранць Кузьма Подгорнов марнек эряфонц максозе велети, велень хозяйствати. 10 ноябрьста теенза топодсь 90 киза. Кузьма Петрович—войнань пингонь идь, а синь, кода содасаськ, кассть и оцю ломанькс арасть пяк рана.
Нилеце классть аделамдонза меле ушедсь сонь трудовой киц «Од тев» колхозса. Оцюфнень мархта ряцок прдась тише. Киза ульсь постуфти лездыкс—Михаил Подгорновонь мархта ванць траксонь стадат.
1945 кизоня, мзярда теенза топодсь кемголмува, полеводческяй бригадирсь Кузьма Бурзин сявозе сонь учётчикокс. Мушендовсть тефт Кузьма Подгорновонди тялондавок. Алашаса кочксесь ломаттнень кядьста кулу и усксезе сонь паксяв. Сашендовсь ваномс и учань стадат.
1947 кизоня ушедсь тонафнема Казённо-Майданскяй сисем кизонь школаса. Шумордамдонза меле поступась Сире Дракань средняй школав, но аделамс теенза ашезь удала, сяс мес сявозь армияв. Повсь морфлоту. Киза тонафнесь Ленинградса подводниконь машинистокс, а меле ниле кизот Балтикасоль.
Мокшень Шадыму мрдась 1956 кизоня.
«Од тев» колхозонь председательть П.Д.Тултаевонь мяльс пяк тусь лама тевса шарьхкоди цёрась. Сяс тердезе мянь кафта вастс—комсомольскяй организациянь секретарькс и ДОСААФ-нь комитетонь председателькс. Мувсь теенза и колмоце работась—клубонь заведующайкс, но покодемс ламос ашезь сав. Киза пяле мархтода меле Кузьма Петровичень кочказь Мокшень Шадымонь велень Советонь председателькс.
1959 кизоня сентябрьста сонь кучезь Рязанскяй советско-партийнай школав. Самай эста Кочелаевскяй районць сувафтфоль Ковылкинскяйти. Тонафнемать шумордамдонза меле Кузьма Петровичень сявозь орготделонь инструкторкс КППС-нь Ковылкинскяй горкому. Пингонь ётазь Кузьма Подгорновонь кучезь «Парижская коммуна» колхозу парткомонь секретарькс.
Сяльде мрдафтозь ингольдень вастозонза—Мокшень Шадыму велень Советонь председателькс, а 1966 кизонь мартста путозь «50 лет Октября» совхозонь отделенияти управляющайкс.
Эрявсь касфтомс содамошитнень, и Кузьма Подгорнов поступась Горьковскяй высшай партийнай школав (заочна).
Номенклатурнай работникть партиянь обкомсь кучезе Старошайговскяй району откормочнай хозяйствань оцюнякс, но ваймоц усксь мала родиназонза. Рьвацка тянь колга арьсекшнесь.
Родной васттненди мрдамда меле, иттне тусть школав. Семьянь азорсь ушедсь работама отделениянь управляющайкс, а 1980 кизоня путфоль хозяйствань директоркс.
Трудовой кинц шумордазе, улемок Казённо-Майданскяй сельпонь председателькс.
Лама киза совестьс коре трудендаманкса 1970 кизоня казьфоль «За доблестный труд. В ознаменование 100-летия со дня рождения В.И.Ленина» медальса.
«Мезьса ламос эрямань секретце?» кизефксть лангс Кузьма Петрович отвечась:
—Эряви эрямс кельгомаса, шарьхкодемс фкя-фкянь.
Рьванц, Нина Ивановнань колга лятфни лямбоста. Ужяль, полац тяни аш шиса.
Василий Илькаев,
Россиянь Журналистонь союзонь член.

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...