Отечествань аралайхне и синь раднясна пчксихть Мордовиянь санаторийхнень эса

«Защитники Отечества» фондть филиалонц и региононь Здравоохранениянь министерствать ширень кирдемаснон вельде республикаса эряфс ётафтови специальнай военнай операциянь ветераттненди и синь радняснонды санаторно-курортнай пчкафтомань программа.
«Саранский» санаторийса социальнай координаторхнень лезксснон вельде шумбрашиснон петезь Зубово-Полянскяй районцта аралайть аляц Николай Казеев и СВО-нь шавф участникть тядяц Татьяна Вельмова Темникавста. Пчкафтомань программать стане жа ётазе Старошайговскяй районцта аралайть тядяц Людмила Ташкина.
«Алатырь» санаторийса пчкафтомань курсть ётазь Кочкуровскяй районцта спецоперациянь ветеранць Евгений Сернов и Ичалковскяй районцта шавф аралайть тядяц Мария Померанова.
«Мокша» санаторийса ульсть Старошайговскяй районцта СВО-нь ветеранць Юрий Баранов и Чамзинкаста аралайть рьвац Татьяна Куцкая.
Кирдемок мяльса врачнень назначенияснон, геройхне и синь раднясна ётазь физиопчкафтомань, массажень, пчкафты ваннань, салмоксса сялгондомань и грязевой процедуратнень. Сембоц 2023 кизонь 1 июньцта сявомок фондть филиалонц ширень кирдеманц вельде санаторно-курортнай пчкафтома получасть 80-да лама аралайсь и синь мала ломаньцна.
«Героеньконь и синь радняснон шумбрашиснон колга заботендамась—фондть васенце задачанзон эзда фкясь»,—шарфтсь мяль фондть филиалонц руководителенц медицинскяй сопровождениять коряс заместителец Наталья Антонова.