Павазу рьвя, кельгома тядя

Сире Кушка велесь сувси Атюрьевскяй райононь Мокшень Козловка велень поселенияти.
Велеса прянь шнафтома вастокс ащи Антошкиттнень семьясна. Кудсна оцю, цебярьста эряманди тифт сембе условиятне. Аф кунара строясть од баня. Аньцек эрямс и кеняртькшнемс. Мзярда-бди Антошкиттнень семьясна оцюволь, шабада пяшксель кудсна. А тяни миртть-рьват эряйхть кафонест. Лездыхть идьснонды, унокснонды.
Кудазоравась, В.З.Антошкина, шачсь-кассь Бораж велеса Колабкиттнень оцю и трудонь кельги семьяса. Идьтост сисемоль. Родителенза, Захар Карпович и Прасковья Филипповна, трудонь кельги ломаттельхть. Аляц ётазе Великай Отечественнай войнать, ранендафоль. Казьф лама боевой орденца и медальса. Тядяц—тылонь труженицаль. Войнань кизотнень шобдаста шобдас покодсь колхозса. Войнада мелевок вестенге ашесть лядонда тевфтома.
Сембе идьснон эзда Валентина Захаровна лядсь ськамонза. Марнек эряфоц мокшавать сотф велеть мархта. Идькс пингоц ётась Боражса. Тяса аделазе кафкса кизонь школать. Пара мяльса лятфнесы васенце учителенц В.И.Терёшкинонь. Оцю класснень эса тонафнезь А.С.Беляева, И.В.Борисов, В.И.Беляев, Н.Ф.Борисова, лиятне. Средняй образования получась Мокшень Козловка велеса. Аф лама пинге тонафнесь машиннай доениянь мастеркс.
Кевейхксые кизоцоль, мзярда сась Сире Кушку эряма. Лиссь рьвакс тя велень цёрати Фёдор Антошкинонди. Сембось, мезсь ульсь эряфсонза, сотф Сире Кушкать мархта. Валентина Захаровна сисем кизот покодсь Темниковскяй райононь Кушка велеса. Тоса лама киза дояркаль эстонь «Сосновский» совхозонь Боражень, Мокшень Козловкань отделениятнень эса. Работась пяк лац. Тянь квалма тяни азондыхть казненза. Ашезь лядонда тевфтома и мирдец, Фёдор Иванович. Одста покодсь Темникавонь «Сельхозтехника» объединенияса. Ульсь механикокс Атюрьевскяй райононь «Красное знамя», «Сосновский» совхоснень эса. Трудендась лац. Тянемс и ялганза, и велеряйхне лятфнесазь сонь аньцек шнамань валса.
Трудонь кельги ня ломаттне марсот 43 киза. Эряйхть павазуста, ладязь, фкя-фкянь шарьхкодезь. Эряфсна аф тёждятнень эздоль. Валентина Захаровна шачфнесь мянь сисем итть. Кафттне нинге ёмланяста тусть эряфста. А лядыкснень синцень семьясна, кельгома тевсна, эряфсна-ащефсна. Нилетне Саровсот. Фкя стирьсна, Г.Ф.Кашуркина, эряй Мокшень Козловкаса, трудендай фельдшеркс Польское Ардашево велеса. Касыхть сисем уноконясна, конатнень синь пяк кельгсазь. А мзярда сашендыхть инжикс, кудсост кафта-крдань праздник. А пидема-панема мокшавась машты. Азома и сявок, што сон аф аньцек кельгома рьвя, тядя, но и пара вайме ломань. 18 киза мархтост эрясь авозец, Прасковья Николаевна. Сиренясь и симтьфоль, и антфоль. Фкявок кяжи вал ашезь куленде аф рьвянянц, аф цёранц, аф уноконзон эзда. мокшавась вестевок ашезе кепсе вайгяленц сиренять лангс, ужялькшнезе, лезнесь, седикс-ваймокс корхнесь мархтонза.
Тяни Антошкиттне эряйхть кафонест. Ульсь пинге, кирнесть тракст, букат, вазнят, тувот, куднармотть.
Сире Кушкаса васьфнень лама велеряй мархта и киньге эзда ашень куле кальдяв вал Антошкиттнень колга. Кафцьке трудонь кельгихть, касфтсть цебярь итть. А тяни эсь сатфксснон мархта кеняртьфнесазь уноксна. Тя оцю паваз Антошкиттненди. А сяда лама афи эряви.
И.Вешкин.
Снимкаса:
В.З.Антошкина.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...