9 июльста Республикань Кудса Мордовиянь Оцюнять Артём Здуновонь председательстванц ала ётафтовсь МР-са Антитеррористическяй комиссиять аф очередной заседанияц. Эсонза примасть участия правоохранительнай блоконь руководительхне, ведомстватнень и муниципальнай райоттнень представительсна.
Республикань руководительсь шарфтсь мяль: противниксь виияфтозень странасонк инфраструктурань, социальнай и религиознай объекттненди карьхцень тиемать коряс равжа тевонзон. «Атакаснон алу повондыхть ломаттне, тяконь лувксса ваймосемань и массовай васттнень эса. Минь тага весть няеськ—терроризмась аф содай границат, аф содасы совестть. Сембода пелькссь—мольфтеви населениять идеологическяй обработкац, тянь алу повондыхть нльне шабатне».
Республикасонк эряфс ётафневи терроризмань идеологияти каршек ащемань Комплекснай план, конань видеса уленди лама мероприятия, конат водендафт ломаттнень ёткса терроризмань идеологиять аф примаманцты, традиционнай российскяй духовно-нравственнай питнишитнень кемокстамаснонды.
Заседаниять пингста Комплекснай планть региональнай головной исполнителенц—МР-нь Культурань, национальнай политикань и архивнай тевонь министерствать мархта тифоль сонь пяшкотькшнеманц колга отчёт.
Артём Здунов китькстазе: Мордовия Республикаса АТК-ть сембе решениянзонды эряви малаткшнемс пяк серьёзнайста.
Заседанияса корхтамась мольфтевсь республикать территорияса объекттнень безопасностьснон обеспечендаманц квалма, сянь колга, кодама работа мольфтеви населениять, тяконь лувксса од ломаттнень мархта, мезе тиендеви деструктивнай общественно-политическяй процессненди, тяконь лувксса трудовой мигранттнень ёткса, каршек ащеманкса.