Пожаронь матомань васенце средстватне

Пожаронь матомань васенце средстватне—нят устройстват, инструментт и материалхт, конат нолявихть тевс толть эвондамдонза меле эстокиге (огнетушительхне, пожарнай кранць, ведсь, шуварсь, кошмась, асбестовай котфсь, ведаркась, каймось и стак тов). Тяфтама средстватне фалу кирдемат анокста.
Толть матомста сембода сидеста ноляви тевс ведсь. Толонь маты ширенза ащихть сянь эса, што теенза вийс коре кельмофтемс палы предметть, кирьфтамс толть температуранц. Ведсь ётафтсы электричествать, сяс сонь аф ноляма тевс напряжения ала ащи сетьтнень и установкатнень матомста. Электрическяй провоттнень лангс ведть повомста кой-коста уленди нюрьхкяня замыкания. Няемок, што крьвязсь электрическяй сетсь, васендакиге лоткафтома электропроводкати токть молеманц, а меле шарфтома общай рубильникть (автоматть) вводонь щитста. Тяда меле кярьмотькшнихть паломать матоманцты, нолямок тевс огнетушительть, ведть, шуварть. Аф мярьгондеви матнемс ведьса палы бензинть, керосинть, вайхнень и курокста крьвязи и палы лия шонгаркснень, кда синь палыхть эряма кудса, гаражса или карденяса. Ня шонгарксне, улемок ведьта тёждякс, лисихть лангу и стаки палыхть, касфнемок паломать площаденц ведть шудемста. Сяс синь матомаснон инкса, огнетушительда башка, тевс нолямат шуварть, модать, содать, а стане жа—эчке котфнень, понань одеялатнень, пальтатнень, конат начфтфт ведьса.
Шуварсь и модась фалу нолявихть тевс аф оцю паломать матомста, тяконь лувксса, кда шудесть палы шонгарксне (керосинць, бензинць, вайхне, кяшетне и стак тов).
Потмонь пожарнай кранць тевс ноляви, кда крьвязсть веществатне и материалхне, напряжения ала ащи электроустановкада башка. Вастоц—башка шкафкаса, ули стволоц и ожац, кона полатф кранти.
Пожарнай охранань подразделениятнень самс пожаронь матомань васенце средствакс лувондовихть огнетушительхне. Толонь маты веществатне улендихть шовонь, кожфонь-шовонь, углекислотнайхть, порошоконь.
Огнетушительхне кирдемат аралави объектса уликс вешфкснень коряс, стане, штоба синь улельхть кяшфт шинь сюролдатнень, лямботь, механическяй воздействиять, летькть эзда. Путнемат няевикс васттненди. Сяда пара тянь тиендемс ся васттнень эса, коса ули пелькс пожарть эвондаманцты, а стане жа—помещенияста лисема вастть маласа. Огнетушительхненди аф шорсема ломаттненди пожарть пингста лисемста.
Мяляфтость! Кда эвондась пожар, эстокиге тердема пожарнай охрана 01, 101 или 112 телефоттнень коряс. Аньцек тяда меле ули кода варжамс матомс пожарть эсь вийса пожаронь матомань васенце средстватнень тевс нолязь. Тянь тиема эста, кда аш пелькс эряфонтенди и шумбрашинтенди!