Прважаф гуманитарнай груз Курскяй области

Мордовиянь Инсарскяй районцта Курскяй области прважаф гуманитарнай лезксонь нинге фкя партия. Тя эрявикс тевса примасть участия муниципалитетонь кода бюджетнай, стане и коммерческяй организациятне. Сембе эряйхне пуроптозь вийснон марстонь тевть сатоманкса.
Гуманитарнай лезксти сувась сембе ся эрявикссь, мезсь лезды боецоньконди раненияда меле пчксемста и виень кочксемста. Нят: спортивнай костюпт, футболкат, ветровкат, носокт и лия эрявикссь.
«Содасаськ, што прважаф эрь предметсь арай аф аньцек цебярь лезксокс, но и фкя-фкянь колга арьсемань и марстомомань символкс. Минь задачаньке—кирнемс сятнень ширеснон, кит макссесазь эсь вийснон и шумбрашиснон Родинать араламанц инкса. Азонттама благодарностень валхт гуманитарнай лезксонь кочкамань сембе участникненди»,—азозь Инсарскяй райононь администрацияса.