Прважаф нинге фкя гуманитарнай груз

Стаки кочксеви гуманитарнай лезкс специальнай военнай операциянь участникненди. Пяк и пяк ламотне примсихть участия эрявикс тя тевса. 14-це гуманитарнай грузть аф кунара прважазе Народнай фронтть Мордовия Республикаса региональнай отделенияц.
Гуманитарнай нинге фкя грузть пуроптомац мольфтевсь марстонь вийса.
Кода азозь региональнай отделенияса, аф кунара сон пачкодсь специальнай военнай операциянь ётафтома зонав.
Передовои прважаф инь эрявиксть ёткса ярхцамбяльхть, медикаментт и гигиенань средстват. Тяда башка, гуманитарнай грузса 15 дрон-камикадзе. Народнай фронтть региональнай отделениянц вельде дроттнень максозь республикань предпринимательхне.
Синдедост башка гуманитарнай грузть кочкамаса примасть участия «Искра» мордовскяй предприятиясь, Мордовия Республикать эзга Россиянь УФСИН-ць, Мордовия Республикать эзга Россиянь Федеральнай налоговай службать Управленияц.
Коробкатненди марафтольхть лекарстват, щапт, ярхцамбяльхть.
Налоговай службань сотрудникнень эзда солдатоньконди передовои тусь 100 ванфты няка. Оберекнень синь тиезь синць эсь идьснон мархта «Оберег для солдат» акциять мяльса кирдезь.
Тя мезть специальнай военнай операциянь участникненди прважафоль «Знамение» кунардонь ликонясь, конань Народнай фронтть региональнай отделениязонза максозе Саранск ошень эряйсь Галина Киреева.
«Знамение» ликоняти тифоль реставрация С.Д.Эрьзянь лемса изобразительнай искусствань Мордовскяй республиканскяй музейса: сонь аруяфтозь пульть эзда, петезь красканц, тисть оборотка, вельхтязь специальнай лакса.
Божьей Матерть ликоц аралай и лезды. Боецоньконди ули кода тянь марямс передовойса позициятнень эса.
Гуманитарнай груст прважси аф аньцек Народнай фронтть региональнай отделенияц. Аф озадонь седихть ащи ломаттне аноклакшнихть коське шонгаряпт, котцихть маскировочнай сетть, рамсихть медикаментт… И эрти эздонк ули кода примамс участия марстонь тя тевса.
Материалть аноклазе
Татьяна Альшина.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...