Республикань храпне лезнихть фронтти

«Сембось фронтти, сембось сяськомать инкса!»—тя призывсь пуропнесыне марс Мордовиянь эряйхнень. Аралаеньконь, конат тяниень пингть передовойсот, ширеснон кирдьсазь предприятиятне, организациятне, общественнай объединениятне. Аф ащекшни ширеса и Рузонь православнай церькавсь. Фронтти гуманитарнай груст кочксихть Мордовиянь сембе прихоттнень эса, тяконь лувксса Святойть праведнайть Иоанн Кронштадскяень храмса (Саранск ошсь).
«Минь озонттама солдатоньконь инкса и лезттама тевса, штоба кудснон эзда ичкозе марялезь ширень кирдеманьконь. Кодатама маскировочнай сетьть, тиенттяма окопонь штатолхт, аноклакшнетяма коське шонгаряпт. Тя ковть фронту прважаме колма гуманитарнай груст. Оцю лезкс макссихть предприятиятне, ломаттне и прихожаттне»,—азозе храмть настоятелец Владимир Кугушев.
Храмонь приходсь лезды и гражданскяй населенияти: аф кунара кемай ломаттне кочкасть Луганскяй областень идень куттненди лямбе од щапт. Эрь лезкссь прважави малаткшни илать—Роштувать мархта цебярь арьсема и поздравления мархта.