Республикась примай участия «Мялямонь сад» акцияса

3 майста Великай Отечественнай войнань и специальнай военнай операциянь геройхнень колга мялямть ванфтоманкса озафтфоль 4 тёжяньда лама шуфтоня. Зубово-Полянскяй районца ульсь «Мялямонь сад» Международнай акциясь.
Экологическяй и патриотическяй тя акциясь ётафтови эряфс странань Президентть поручениянц коряс. Мордовияса—Республикань Оцюнять ширень кирдеманц вельде.
Цельсь—озафтомс 27 миллион шуфтоня эрть колга мялямть ванфтоманкса. Нят сят, кие ашезь мрда Великай Отечественнай войнань тюремань паксятнень лангста, кие маласькофнезе Сяськомать фронтса и тылса. Од вирть, «Мялямонь садть» тиемасна—эздост эрть подвигснон колга лятфнема.
Властень органонь представительхне, общественнай объединениятне и движениятне, волонтёрхне, школаса тонафнихне и студенттне, ламоц организациятне—500-та лама ломань, путозь эсь кядьснон и ваймоснон од вирть тиеманцты. Эрь борознась сотф Зубово-Полянскяй районца шачф геройть лемонц мархта.
Акцияса примась участия специальнай военнай операцияса шавф геройть Александр Юрьевич Карасевонь семьяц, а нинге ся боецнень семьясна, конат тяни передовойсот—Александр Александрович Чубукинонь и Николай Геннадьевич Шкаликовонь.
2024 кизоня «Мялямонь сад» акциять арьсекшневи ётафтомс сембе лесничестватнень эса. Озафтови 36 тёжяньда лама од шуфтоня.