Республикастонк Донбассу тага прважаф гуманитарнай лезкс

Саранскяйста 24 июньцта прважафоль гуманитарнай лезксонь нинге фкя партия Донбассу. Мордовиянь эряйхне и предприятиятне кочкасть 56 тоннада лама продукция, кона ащи ярхцамбяльста, хозяйственнай товарста, строительнай материалста.
ДНР-нь и ЛНР-нь эряйхненди лезксть кочкамаса активнай участия примасть промышленнай, велень хозяйствань предприятиятне, строительнай комплексонь и торговлянь организациятне, тяфтамотне кода «Плайтеррась», «Амелиясь», «Лицевой кирпицень Саранскяй заводсь», «Рузхиммашсь», «Саранскяй механическяй заводсь», «Саранскяй приборостроительнай заводсь», «Эм-Кабельсь», «Сарансккабель-Оптикась», «Саранскяй телевизионнай заводсь», «Сарматсь», «Ксенонць», «Резинотехника» саранскяй заводсь, «Орбитась», «Лидер-Компаундсь», «1 Мая» велень хозяйствань кооперативсь, «Развитие села» АО-сь, «Мордовскяй медь» мешень кирдиень обществась и лиятне.
Удалась кочкамс 20 тонна строительнай материал, 5 тоннат сахар, пцтай 9 тоннат консервированнай продукция, макароннай изделият и ямкст, а стане жа мебель, электрическяй оборудования и бытовой техника. Васенце фурась тусь Саранскяйста, Зубово Полянаса теенза поладсь оцю качествань строительнай материал мархта омбоце фурась.
Мордовиянь Правительствать Председателец Владимир Сидоров азозе, што тя гуманитарнай лезксонь колмоце партиясь ни, конань кочказе Мордовиясь Донбассонь эряйхненди: «Минь арьсекшнетяма прважсемс инь эрявикс товархнень мархта грузовой машинатнень ковти весть»,—пачфтезе сон.