Республикати максови 37 миллионда лама цалковай

Россиянь Правительствась сяда тов ётафнесы эряфс велеть комплекснайста виияфнемань программать. Мордовиясь получай 37 миллионда лама цалковай вели покодема сай специалисттненди сивотьф (аренднай) эряма вастонь строяманкса. Тянь колга распоряжениять алу кяденц путозе РФ-нь Правительствань Председательсь Михаил Мишустин.
Корхтамок примаф решениять колга премьер-министрсь отмечазе, што специалисттненди ули кода рамамс тяфтама куттнень или квартиратнень, кда пяшкодемс кой-кодама вешфкснень. Главнайсь синь ёткстост—велеса фалу работамась.
«Надиятама, што тя мерась лезды велети сяда курокста решандакшнемс кадратнень мархта кизефкснень, а ломаттненди, тяконь лувксса шаба мархта семьятненди, цебярьгофнемс эрямань условияснон»,—китькстазе Правительствань Председательсь.
Сембоц федеральнай бюджетста субсидият получай 18 регионць. 2024 кизоня сивотьф (аренднай) эряма вастонь строяманкса теест дополнительнайста ули нолдаф 1,4 миллиартта лама цалковай. Марса арьсекшневи строямс пцтай 19 тёжянь квадратнай метра сивотьф эряма васта.