Саранскяень студенткатне стайхть щапт аралайхненди

Саранскяень Услугань сферань и промышленнай технологиянь техникумонь студент-
тне аф аньцек лац-ряц тонафнесазь кочкаф профессиятнень. Синь практикаса няфнесазь пуроптф маштомошитнень эрявиксшиснон. Тонафнемань мастерскойхнень эса ули эрявикс сембе оборудованиясь, а компаниясь-партнёрсь максси техникумти расходнай материалхт. Гуманитарнай грузть нинге фкя партиянц прважаманкса студенттне анокласть спецоперациянь участникненди щамонь 80 комплект.
Тяда башка, сай пингонь стилисттне-визажисттне тисть седиень токай авторскяй открыткат СВО-нь боецненди, эрть лангс тяштемок лямбе, ваймонь эжди мяльхть-арьсемат.
«Сембода главнайсь, штоба солдаттне, конат тячи аралайхть Родинать и мирнай эряфоньконь эса, тяфтама посылкатнень получамста, марялезь ширень кирдемать, шарьхкоделезь, што копорьснон фтала марнек Россиясь»,—шарфтсь мяль техникумонь преподавательсь Регина Мелёшина, кона оцюня региональнай волонтёрскяй центраса.