Шарфтода мяль! Мошенникне арьсесть од схема!

Кода пачфневи «Стопмошенник13» телеграм-каналса, Россиянь Финансонь министерствась азонды мошенникнень од схемаснон колга.
Мошенникне тяшнихть социальнай сетьтнень эса или «Интернетса» объявлениятнень вельде, а нинге гайфнихть, азондомок пряснон инвестиционнай содаф компаниянь сотрудникокс.
Лжеброкерхне мярьгондихть панжемс «брокерскяй» счёт и ушедомс эзонза тиендемс инвестицият—10000 цалковайста сявомок, а меле добувамс тянь вельде «миллиотт».
Тяфтама счётть панжеманкса эряви ладямс ссылкать коряс приложения, коса мошенникне няфнесазь, кода касыхть дохоттне инвестициятнень эзда, тяконь лувксса и криптовалютать.
Но мзярда сай пингонь «инвесторсь» ёрай лихтемс счётста ярмакнень, ушеткшнихть прябалат.
Лжеброкерхне корхтайхть, што лихтемс ярмакнень счётста—тевсь стака. Штоба тянь тиемс:
-эряви путомс счётти сембе средстватнень лихтемаснон инкса ярмакт;
-пандомс «страховкать» или эрь шиня валютать «европейскяй ячейкати» путоманц;
-мумс поручитель, и нльне регистрировандамс сонь Россиянь Финансонь министерстваса, штоба улель кода средстватнень ётафтомс «наличкакс». Ломаттненди мярьгондихть тяштемс сёрма, и тиемс тянь Россиянь Финансонь министерствать пресс-службанц адресс, азомок поручительть даннаензон и ярмаконь суммать, конат теенза максомат.
Кода аф повомс лжеброкерхнень «килькшс»? Мяляфтода финансовай безопасностень правилатнень колга.
Кода содамс лжеброкерть:
*сонь аш Россиянь Банконь лицензияц и брокерскяй обслуживаниянди специальнай банковскяй счётоц;
*сон мярьгонди ётафтомс пандомать физическяй лицать картанц (или электроннай кошелёкть) коряс;
*сон аф мярьгонди тиемс договор (или кемокснесы сонь фиктивнайста);
*сон аф тиенди брокерскяй услугатнень максомаснон колга отчёт;
*компаниять, коса работай лжеброкерсь, аш офисоц (соткст кирневихть социальнай сетьтнень или телефонть вельде).