19 майста Пензенскяй областьса, «Спутник» эрямань комплексть маласа, ётафтовсь «Шумбрат» национально-фольклорнай ила. Инжихнень васьфтезь мороса, кштимаса и национальнай ярхцамбяльса.
Тя шиня Пензенскяй области якасть представительхть Мордовияста и шабра региоттнень эзда. Аноклафоль концертнай козя программа.
Инжихненди ульсь кода ваномс национальнай промыслань, ремеслань и декоративно-прикладной искусствань выставкать-ярмаркать. Стане жа аноклафоль оловаста военно-историческяй миниатюрань уникальнай коллекция.
Илас пуромфне варжазь мокшень пачатнень, пярякатнень и лия танцтинятнень, конатнень сире пинкнень аноклакшнезь бабаньке и сире бабаньке.
Национальнай иласа сембе содафтсть мокшэрзянь народть коензон-обуцянзон, национальнай кухнянц и щамонзон-карямонзон мархта.