Шумордавсь «Эряк, шачем кяль!» Межрегиональнай сменась

Кочкуровскяй райононь «Орбита» шумбрашинь кемоксни идень лагерьса ётафтовсь «Эряк, шачем кяль!» межрегиональнай образовательно-оздоровительнай сменать торжественнайста сёлговомац. Сон кочксесь шабат Мордовияста и лия региоттнень эзда, конат тонафнемань кизоть кувалмоста примсесть активнай участия олимпиадатнень, творческяй конкурснень, научно-практическяй конференциятнень эса.
Программась козяль образовательнай и развлекательнай мероприятияса, мокшень, эрзянь и татаронь кяльса мастер-класса. Иттне налхксемань формаса содафтсть «Акша келу», «Сабантуй», «Эрзянь кель» национальнай илатнень мархта.
Тяфтама событиятнень оцю рольсна сай пингонь поколенияти. Теест ули кода аф аньцек касфтомс эсь содамошиснон, но и содафтомс лия национальносттнень культураснон мархта, кородозь ванфтомс сонь, мумс од ялгат и арамс оцю и ялгафты семьянь пакшкакс.
Шумордамань церемонияса примась участия Мордовия Республикаса идть праванзон коряс уполномоченнайсь Наталья Юткина. Сон поздравляндазень шабатнень сменать шумордаманц мархта, отмечазень синь сатфксснон и арьсесь товолдонь сатфкст. Стане жа мероприятияса ульсь Мордовиянь Мусульманскяй Од ломанень Союзть председателец Динара Шабаева. Сон поздравляндазень участникнень и казсь теест лятфнембяленди казнет.
Мордовскяй (мокшень и эрзянь) народть Межрегиональнай общественнай организациянц Исполкомонц председателец Татьяна Ларина казсь иттненди книгат.