Кода тяфтама случайста аф повомс мошенникнень килькшс, пачфни «Стопмошенник13» телеграм-каналсь
Мошенникне азондсазь пряснон Социальнай фондонь сотрудникокс и васькафнесазь ломаттнень. Кода улемс?
Панчк кенкшть, тя мон—«Социальнай фондонь сотрудниксь»
Мошенниксь эняльди сонь нолдамс куду тяфтама туфталонкса:
*надияфни лездомс пенсионнай или социальнай кизефкснень ваномста;
*ёрай проверямс регистрациянь вастть колга даннайхнень;
*мялец тяштьфтемс заявления санаторно-курортнай пчксеманди;
*мялец одкстоптомс информациять, штоба каземс Эряфкшу ломанень шити казне.
Афкукс Социальнай фондонь специалисттне сашендыхть куду аньцек заявкать коряс и синь ули удостоверениясна.
*Мошенникне салсесазь даннайхнень, штоба меле синь нолдамс тевс преступлениятнень мархта сотф тевсост.
*И, нолдамок синь куду, ули кода юмафтомс питни паршихнень и ярмакнень—мошенникне синь салсесазь.
Тейть ули кода тиемс перерасчёт
*Азомок прянц фондонь работникокс, мошенниксь пачфни пенсияти, пособияти или социальнай пандоматненди расчётонь тиемать или кодамовок начислениятнень колга. Информациять бта ваноманц пингста, мошенниксь сотцесыне банковскяй картать даннаензон или ётафтфты кой-мзяра ярмак.
Афкукс Россиянь Социальнай фондсь мзярдовок аф мярьгонди ломаттненди ётафтомс счётс ярмакт социальнай лезксть или пандоматнень получаманкса.
*Кда ломанць получси кодамовок пандома, фондса сонь реквизитонза улихть ни.
Тейть сась сёрма Социальнай фондста
*Ломанть электроннай почтазонза сашенды сёрма или сообщения сянь колга, што теенза сави пенсиянь индексация или пособиянь перерасчёт. Сёрмаса ули ссылка, конань коряс ётамда меле эряви сувафтомс эсь колгат информациять и банковскяй картать даннаензон.
Афкукс ссылкась вяти фишинговай сайтти. Кда ётамс тя ссылкава и сувафтомс эсь даннайхнень, юмафтсайть счётстот ярмакнень.
Лезтт кундамс преступникть
*Мессенджеру сашенды сообщения Россиянь Социальнай фондть представителенц эзда. Ломанть кядьста вешеви лезкс, кепотьксонди, аферисттнень кундамаса. Ломанти пачфневи, што теенза гайфти уполномоченнай сотрудниксь, сяс сембось тиема инструкциять коряс. Тянь колга, кле, киндивок аф азондома.
*Тяфта мошенникне ёрайхть пачкодемс ломанть даннаензонды или мярьгондихть ётафтомс ярмаконзон кодамовок счётс.
Афкукс ня аккаунттне фейковайхть. Фондонь сотрудникне тяфтама кизефкснень коряс аф гайфнихть и аф нолясазь тевс мессенджерхнень консультациянди.