Сон шачф лезнемс ломаттненди

Россияса 8 июньцта эрь кизоня отмечсеви Социальнай работниконь шись—населениять социальнай араламанц коряс тефнень мархта заняф сембе работникнень профессиональнай иласна.
Тя праздниксь календарьса эвондась ёфси аф кунара. 2000 кизонь 27 октябрьста Российскяй Федерациянь Президентсь Владимир Путин путозе кяденц «Социальнай работниконь шить колга» Указть алу.

Несколька кизода меле, поздравляндамок социальнай сферань работникнень профессиональнай иласнон мархта, Президентсь мярьгсь, што синь кочкасть эстеест аф тёждя, но благороднай и пяк эрявикс профессия—макссемс лезкс сятненди, кинди сон эряви. И што социальнай работникнень профессионализмаснон и эсь тевснон лац тиендемаснон, личнай качестваснон эзда ламода ащи странасонк лама миллион ломаттнень судьбасна, социальнайста прянь марямасна, вандыень шити верондамасна… Синь сяда тов кармайхть ванфтомост, кемокснемост и ламолгофнемост пяк цебярь койхнень, конатненди ушеткс путсть предшественниксна—ломаттне, конат пяк кельгсазь эсь тевснон, афкуксонь подвижникне.
И тя афкукс тяфта. Социальнай работникне—пяк эрявикс профессиянь представительхть. Сембе синь—пара вайме ломатть. Фалу анокт максомс эрявикс лезкс, а нинге—седикс-ваймокс корхнемс мархтост, вдь ламотненди, сембода пяк эряфкшуфненди, лац-ряц азф эрь валнясь кеподи мяль.
Кой-коста эряфса уленди стане, што ломанць шаченды ломаттненди лездома: фалу анок тянь тиемс и тевса, и валса. Тяфтапнень ёткс сувси Рузаевскяй райононь Мокшень Пишля велень эряйсь Наталья Гирчева. Мокшавась шачсь-кассь лама идень семьяса, коса башка мяль шарфневсь трудти. Шабатне нинге ёмласта тонафтовсть ламоц тефненди, сяс, касомок, Наталья Владимировна маштсь лама мезень тиема.
Лиссь рьвакс эсь велень цёранди. Гирчефнень семьяса шачсть кафта итть.
Мокшавась инголи работась и лия вастса, и фалу сафнезе сембоса.
Вов ни вете кизот Наталья Гирчева покоди социальнай работникокс—якай Мокшень Пишля велень кафкса эряфкшу ломанень и инвалидонь мельге.
Наталья Владимировна якай лавкав, рамсесыне теест эрявикс товархнень, тиенди аруши эряма вастсост, паннесыне квитанцияснон коммунальнай услуганкса. Сят, кинь мельге якай мокшавась, шарфнихть мяль сонь пара ваймонц и ляпе седиенц лангс. Тисыне социальнай работниксь тевонзон, корхни-тии ломанть мархта, азы пара валня. Ванат, а ся ни пееди каршезонза—пара арай ваймозонза.
Мокшавась сятнень эзда, кие путни честь эсь кизонзон коряс сяда оцю ломаттненди. Кда, кепотьксонди, корхни ава ялгац корязонза сяда сиреня, пшкяди акай валса. Тянь ули кода азомс и семьясост раднянь соткснень колга.
Наталья Гирчева пяк машты пидема-панема, примси активнай участия велеть культурнай эряфсонза. Мокшень эчке пачанзон таньфсна мзярдовок аф юкставихть сянди, кие синь хуш весть варжазень. Нльне постста пидеф-паньф постнай цюкорнянза сяшкава лац кеподихть и рязыхть, што аф явфтовихть скоромнайхнень эзда. «Сонь шапакссь кельгсы»—тяфта мярьгсь Наталья Владимировнань колга фкя содафоц. Пади, тя и тяфта, но мон арьсян, што эрь тевсь кядьсонза палозь палы сяс, мес сон ушеткшни тиемонза кельгома мархта, путомок седиенц лямбонц.
Мирденц мархта касфтсть цёрат-геройхть. Тяниень пингть синь специальнай военнай операциянь участникт. Тядясна и алясна, раднясна, ялгасна учсазь куду мрдамаснон Сяськома мархта.
Эрь шиня учсазь эсь ширезост Наталья Гирчевать сят, кинди сон максси лезкс кода социальнай работник. Но сон сембонди кунара ни арась пара ялгакс. Синь теенза эсь ёткова тяфта и мярьгихть: минь Наташаньке.
Седи ваксста поздравляндасаськ Наталья Гирчевать и социальнай сембе работникнень профессиональнай малаткшни иласнон мархта! Арьсетяма кеме шумбраши, паваз, сембе цебярть!
Татьяна Альшина.

Последние новости

В Мордовии открылись новые благоустроенные зоны отдыха

В Мордовии в этом году открылось сразу 7 новых...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные...

Нацпроект помогает бизнесу Мордовии стать узнаваемым и привлекать новых клиентов

Министерство экономики, торговли и предпринимательства РМ совместно с Центром...

Дан старт приемной кампании по программам «Профессионалитета»

В Мордовии начинается приемная кампания в колледжи и техникумы...

Нацпроект помогает семейному бизнесу Турбиных из Мордовии 

Министерство экономики, торговли и предпринимательства РМ совместно с Центром...

В Мордовии модернизируют службу занятости

Мордовия вошла в число пилотных регионов комплексной модернизации службы...

В Мордовии открылись новые благоустроенные зоны отдыха

В Мордовии в этом году открылось сразу 7 новых пляжей. Средства на их благоустройство были предоставлены предпринимателям республики в качестве грантовой поддержки. Работы велись...

Благодаря нацпроекту малый и средний бизнес Мордовии получает господдержку

Министерство экономики, торговли и предпринимательства РМ совместно с Центром «Мой бизнес» оказывает поддержку предпринимателям Мордовии. Так, благодаря реализации национального проекта «Малое и среднее предпринимательство...

В Ичалковском районе приводят в порядок 14 км дорог

В Ичалковском районе Мордовии по национальному проекту «Безопасные качественные дороги» в 2024 году будет капитально отремонтировано порядка 14 км дорог. В мае начались работы на...