2025 кизоста сявомок Мордовиять эзга СФР-нь Отделениять вельде специальнай военнай операциянь демобилизованнай участникненди ули кода получамс медицинскяй реабилитациять и санаторно-курортнай пчксемать коряс услугат ся центратнень эса, конат канневихть Россиянь Социальнай фондти.
Мордовияста СВО-нь участникне ётнесть ни питнефтома реабилитация Краснодарскяй краень, Московскяй и Владимирскяй областень здравницатнень эса. Нинге несколька алясь-цёрась пчксихть СФР-нь колма центратнень эса тяниень пингть.
Боевой действиянь ветераттненди, конат примасть участия специальнай военнай операцияса, ня услугатнень ули кода получамс 12 специализированнай центраса, конат ащихть Центральнай, Приволжскяй, Южнай, Уральскяй и Сибирскяй федеральнай окрукнень эса.
Центратне козякофтфт тяниень пингонь оборудованияса, эсост ули сембось пчксеманкса и шумбрашить кемокстаманкса. Тяса пчкафневихть ваймонь тарксемань, седиень-сосудань системань, нервнай системань, опорно-двигательнай аппаратонь оргаттне, токаф васттне.
Специальнай военнай операциянь демобилизованнай участникненди ули кода нолдамс тевс реабилитациянь программать кизоти весть. Санаторно-курортнай пчксемать кувалмоц 21 ши, реабилитациясь ащи медицинскяй показаниятнень эзда.
Реабилитационнай центратнень эса пчксеманкса СВО-нь ветераттненди ули кода максомс заявка госуслугань порталса, а стане жа СФР-нь региональнай Отделениянь клиентскяй службатнень эса или МФЦ-са.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+