13 майста Саранскяйса, «Россия» кинотеатраса, ётафтовсь «Степан Эрьзя. Долгий путь домой» документально-игровой кинофильмать премьерац. Мокшэрзянь скульпторть колга, конань творчествац содаф марнек мирса, кинофильмать ванома сашендсть Мордовиянь государственнай властень, культурань и искусствань деятельхть, Саранск ошень эряйхть и инжихть, студентт, школаса тонафнихть.
Мордовия Республикань Оцюнять Артём Здуновонь лемста пуромфнень приветствовандазень республикань Правительствать Председателенц васенце заместителец Галина Лотванова.
Сяльде вал максфоль Россиянь Заслуженнай и Мордовиянь Народнай артистти Станислав Дужниковонди, инь оцю героинять налхкиенцты Елизавета Арзамасовати и лия артисттненди, конат налхксть тя кинофильмаса.
Владимир Нестеров.
Мокшень РУВИКИ