Студентсь юмафтсь 9500 цалковай

«Стопмошенник13» телеграм-каналса пачфневи, што Россиянь УМВД-ть Саранск ошень округть эзга 3№ полициянь отделу пшкядсь 18 кизоса од ломань, кона пачфтсь мошенничествать колга.
Мордовиянь колледжень фкя студентсь азозе, што региональнай сайтса мусь ярмак лангс кельксемань услугатнень макссемаснон коряс сообщения.
Од ломанць сась мяльс рамамс кельгома и гайфтсь объявленияса азф номерть коряс.
Аф содафне азозь кодама реквизиттнень вельде пандомс услугатнень инкса, мезьда меле студентсь ётафтсь азф счётти 9500 цалковай.
Сяда тов теенза гайфтсть. Мошенникне мярьгсть, што ётафтф суммась пандоманди аф сатомшка, сяс ярмак ётафтома нинге.
Шарьхкодемок, што повсь мошенникнень килькшс, цёрась сась полицияв.
Тиендеви сембе эрявикссь тя преступлениянь тиихнень вешеманкса.