СВО-нь ветеранць мусь работа

Контрактть шумордамдонза меле Сергей Адышкин работань вешемста пшкядсь Инсарскяй райононь Занятостень кадровай центрав. Консультантсь арьсесь СВО-нь участникть мяленц и эряфонь ситуациянц коряс индивидуальнай план.
Сисем шида меле ветеранць получась профориентациять коряс ширень кирдемань мерат, теенза максфоль «Ксенон» промышленнай предприятияв направления. Тяни сон покоди слесарькс-ремонтоникокс. «Защитники Отечества» фондть вельде поступась московскяй фкя вузу «Государственное и муниципальное образование» специальностьс коре (заочнайста).
Тяни ветеранць покоди предприятияса и мольфтьсы тонафнеманц. «Мялезе лездомс ломаттненди, кандомс теест и государствати польза, нолдамс тевс эряфонь опытозень. Монь касыхть колма уноконе, и ёран, штоба синь касольхть мирнай менель ала. Сидеста улендян школатнень эса, мужествань урокнень пингста азонкшнян специальнай военнай операциять колга, шабатнень воспитандасайне патриотизмати»,—отмечазе Сергей.