СВО-нь ветераттне поздравляндазь Мордовиянь школьникнень

Саранскяень эряйсь Николай Кучканов тусь фронту доброволецокс, служась «Терек» казачьяй бригадань «Скиф» батальонца. Сон пяшкотькшнесь боевой задачат Бахмутть маласа.
Шачема-касома ошезонза мрдамда меле Николаень сявозе персональнай сопровождения алу «Защитники Отечества» фондть филиалоц. Социальнай координаторть Алеся Волковать лезксонц вельде получась боевой действиянь ветеранонь удостоверения. Стане жа Николай макссь заявка «Время героев» кадровай президентскяй конкурсса участвовандаманди. Сон лац ётазе кочкамать и РФ-нь Президентть видеса народнай хозяйствань и госслужбань Российскяй академиять видеса дистанционнайста тонафнемать. СВО-нь ветеранць тонадозень «Эффективное управление в системе публичной власти» и «Современное публичное управление» образовательнай программатнень.
«Мялезе каннемс польза шачема-касома республиказти и страназти. Пяк питни, што Отечествань аралайхненди шарфневи тяшка оцю мяль, кирневи синь ширесна!»—виденцясь Николай.