СВО-нь ветераттне поздравляндазь школьникнень

1 сентябрьста «Защитники Отечества» Государственнай фондть филиалонц ширенц кирдеманц вельде Мордовия Республикаса специальнай военнай операциянь ветераттне ульсть республикань 12 райононь и Саранск ошень комсь тонафнемань заведениятнень эса.
Ветераттне поздравляндазь тонафнемань од кизоть ушедоманц мархта Атяшевскяй, Атюрьевскяй, Большеберезниковскяй, Ельниковскяй, Ковылкинскяй, Рузаевскяй, Теньгушевскяй, Темниковскяй и Чамзинскяй райононь тонафнихнень. Синь арьсесть иттненди улемс эсь странань патриотокс, марямс гордость сонь сатфксонзон и героензон инкса.
«Патриотизмась—тя аф аньцек вал. Тя крхка потмоёжень маряма, кона эряй минь седисонк. И сон ушеткшни идькс пингста: кудста, коса минь касоме, школаста, коса минь тонафнеме. Кельгость эсь Родинантень и шнафтода мархтонза пря!»—китькстазе Ковылкинаста ветеранць Николай Кочегаров.
Саранск ошса 30№ школань тонафнихнень поздравляндазь СВО-нь ветеранць Михаил Тундавин и МР-ть эзга «Защитники Отечества» Госфондть филиалонц руководителец Алексей Герасименко.
Алексей Герасименко китькстазе, што тячиень тонафнихне—странаньконь сай пингоц. «Арьсян теенть сатфксу тонафнемань киза, од содамошит и открытият, конат кандыхть Родинати сатфкст. Катк тинь тонафнемань эряфонте ули пяшкотьф кенярдемаса, мялень салай васедемаса и цебярь мяльса-арьсемаса»,—мярьгсь сон.
«Уледа анокт тонафнемс, получамс цебярь содамошит,—поладозе Михаил Тундавин.—Маряда гордость Россиять, сонь сатфксонзон и ломанензон инкса. Уледа патриотокс!»