СВО-нь ветераттне ётасть диспансеризация

Республикаса шумордавсь СВО-нь ветераттнень всеобщай диспансеризациясна. Вельденза ульсь кода содамс ся урматнень, конат аньцек кочксихть вий, штоба эсь пингстонза максомс странать аралаензонды медицинскяй качественнай лезкс.
Демобилизованнай боецнень медицинскяй осмотрасна странань субъекттнень эса ётафневи «Защитники Отечества» Фондть и РФ-нь Здравоохранениянь министерствать инициативаснон коряс. Фондть Региональнай филиалоц васенцетнень ёткста ётафтозе эряфс тя проектть.
Мордовияса диспансеризациясь ётафтовсь 2 и 3 ноябрьста и фатязень республикань 30-да лама пчкафтомань учреждениять. Кафта шиста больницятненди и ФАП-ненди сашендсь пцтай 200 ветеран. Мархтост ульсть Фондть филиалонц социальнай координаторсна. Сембе боецне ётасть профилактическяй осмотра, а кда ульсть показаният, кучфтольхть дополнительнай обследованияс.