СВО-сь полафтозе эряфонц

Атерень мокшалять Владимир Борискинонь содаса кунара. Тонафнеме Атерь велень 1№ средняй общеобразовательнай школаса, служаме Семипалатинскяй ядернай полигонца. А тяни сон, вов ни кода киза, СВО-са. Фалу передовойса, виень и эряфонь аф ужяльдезь тюри нацисттнень каршес. Коса афоль уле мокшалясь, сон фалу шназь и гордостень марязь корхни эсь шачема-касома веленц, мокшэрзянь краенц колга. Родителенза ашет шиса. Кирди кеме соткст сазоронц и ёмла брадонзон мархта.
—Седиеньке палозь палы инксонза,—корхтайхть раднянза.—Вдь тусь аф ваймосема, а тоза, коса и ранендавихть, и шавондовихть ломатть.
Идькс пингоц мокшалять павазуволь. Кассь трудонь кельги оцю семьяса. Тядяц, Пелагея Егоровна, трудендакшнесь «Мордовэнерго» организацияса. Аляц, Пётр Никитович, водителель межколхознай строительнай организацияса. Касфтсть вете итть. Трудонь кельгикс кассь Владимирга. Сон нинге шабакс ушедсь покодема. Школать шумордамдонза меле тонафнесь Торбеевань 3№ СПТУ-са, получась водителень профессия. Служась армияса. Меле вахтань методса покодсь Москуса. Мзярда ушедсь СВО-сь, кочказень кагодонзон, ётась медицинскяй комиссия и тусь странаньконь аралама. Сон ащи примеркс раднянзонды, велеряензонды. Гордостень марязь корхнихть колганза и школаса.
Илья ВЕШКИН.