Сяськомань шись

9 майсь—Россиянь воинскяй славань ши. Великай Отечественнай войнаса советскяй народть Сяськомань Шиц. Тя шиня 1945 кизоня подписандафоль фашистскяй Германиять капитуляцияц.
Сяськомань Шись—тя Российскяй Федерацияса марстонь ила, кона эрь кизоня уленди 9 Майста. Васенцеда Сяськомань Шись кемокстафоль СССР-нь Верховнай Советть Президиумонц 1945 кизонь 8 маень Указонц мархта Великай Отечественнай войнаса немецко-фашистскяй захватчикнень каршес советскяй народть сяськоманц и Якстерь Армиять историческяй сяськоманзон, конат шумордавсть гитлеровскяй Германиять педа-пес тапаманц мархта, мяльса кирдезь. Советскяй пингта меле тя шись кемокстаф «Россиянь воинскяй славань шитнень и памятнай дататнень колга» 32№ Федеральнай законть мархта.
Кувакатольхть 1418 шитне и ветне и стакаль кись Сяськомати. И ков сяда лама пинге ётни войнада меле, тов сяда няеви Великай Сяськомать всемирно-историческяй вастоц.
Германиять безоговорочнай капитуляциянц колга актсь подписандафоль Берлинть маласа 1945 кизонь 8 майста 22 частста 43 минутаста центрально-европейскяй пингть коряс (москувонь пингть коряс 9 майста 00 частста 43 минутаста).
1995 кизонь 9 Майста, кирдемок мяльса Сяськомать 50 кизонц, Якстерь площадьса ульсь юбилейнай парад, коса примасть участия войнань ветераттне и тылонь труженикне Москувонь гарнизононь подразделениятнень мархта, кона няфтезе 1945 кизонь Сяськомань парадть. Тяза лихневсь Сяськомань Знамясь.
Ся пингста сявомок Якстерь площадьса паратт ётафневсть эрь кизоня, но боевой техникафтома. Синь ушедсть ётафневома 2008 кизоста сявомок.