«Стопмошенник13» телеграм-каналсь пачфнесы, што мошенникне тевс ноляйхть од схема, конань мархта васькафтсть ни аф фкя ломань. Синь кучсихть водительхненди штрафнень колга фейковай уведомленият. Тяфтама сообщенияти вийс коре самс кода мессенджеру, стане и почтать вельде.
Штоба получаец верондаль, сёрмати путнихть файл, кона няфти кода афкуксонь постановления: эсонза мошенникне азондсазь ломанть лемонц и машинать номеронц, тянь семботь синь мушендсазь даннаень «синнеф» базатнень эса.
Мезьса васькафнемась?
Штрафть пандоманкса эряви эстокиге ётамс сёрмаса азф ссылкать коряс. Но сон вяти фишинговай сайтти, кона салсесыне банковскяй картать даннаензон. Или, ётамок ссылкать коряс, ломанць латци телефонозонза или компьютерозонза вирус и аф талакоткшни тянь колга.
Штоба аф васьфтемс тя прябалать мархта, тинць проверсесть ули-аш лангозонт штраф.
Кода тянь тиемс?
Сувада ГАИ-ть сайтс.
Сёрмадость машинать номеронц.
Сёрмадость СТС-ть номеронц.
Мяляфтода тя схемать колга, штоба аф повомс мошенникнень килькшс!