Тернезь илас родительхнень

Сире ломанень ковста Атюрьевскяй райононь Каргоньжяй велень поселенияса ётафтовсь мялень салай ила СВО-нь участникнень родительснон мархта. Аноклазь сонь культурань работникне Е.Д.Ермолаева, В.Н.Кузьминова. Иласа примасть участия миртть-рьват Юкофне, Е.Ф.Маланкина и лиятне. СВО-нь участникнень родительснон лемс кайгсть морот, стихт, лямбе валхт. Кепотьксонди, Е.Ф.Маланкина—педагогическяй трудонь ветеран, пцтай нильгемонь киза покодсь Каргоньжяй велень средняй общеобразовательнай школаса, вятьсь мокшень кялень и мокшэрзянь литературань урокт. Стирец, Валентина Сергеевна, тожа тусь тядянц киге, покоди школаса тонафтыкс. А вов цёрац васенда трудендась Москуса. Тоса тись контракт оборонань министерствать мархта. И вов ни лама пинге сон СВО-нь участник. Казьф Мужествань орденца, лия боевой казнеса. Тядяц и лия велеряенза маряйхть инксонза гордость.
—Минь велесонк лама тяфтама од ломаньда, конат примайхть участия СВО-са,—корхтай Е.Д.Ермолаева.—Старандатама аф юкснемс синь. Ётафнетяма илат. Тернесаськ ня илатненди синцень, кда кудсот, родительснон.
Илья Вешкин.
Снимкаса: СВО-нь участникнень родительсна.