Товархнень лемсна кафта кяльса: рузкс и мокшекс

Эрятама Мордовияса—национальнай республикаса, коса башка мяль шарфневи мокшень и эрзянь кяльхнень, коеньконь-обуцяньконь ванфтомаснонды. Мекольдень кизотнень Саранскяйса эвондась мокшэрзянь сувенир, лия парши мархта коль сяда лама мишендема васта. Ули мезе рамамс лятфнембяленди ширезонк сай инжити, ули мезе кучемс и лия региоттненди эстееньковок. Зепса каннема рузонь-мокшень, рузонь-эрзянь валкскат, мазы келаськат, мокшэрзянь няканят… Кали тя аф туй мяльс?

Саранскяйса общественнай транспортса ламоц маршруттнень коряс ардомста автобусонь и троллейбусонь лотксема васттне азондовихть колма кяльса: рузоннеса, мокшеннеса, эрзяннеса. Фкя содафозе эряй ошть юго-западнай пялькссонза, сяс центрав работама и меки пачкотькшни троллейбусса. Меля сон гайфтсь тейне и мярьгсь, што остановкатнень лемснон эрь шиня кулхцондомстост тонадсь мокшень и эрзянь аф кржа вал (сонць рузава). Тя сембось пара и кеняртьфти. Эрямок национальнай республикаса, Мордовияса эрти содамат аф аньцек сонь историянц, исяконь и тячиень шинц, гордостень маряма вастонзон—стирензон и цёранзон, но и хуш цютькада республиканьконь государственнай кялензон—мокшеннеть и эрзяннеть. Конешна, руз ломанти аф сяшкава тёждя тонадомс мокшень кяльть, кода содасаськ сонь минь, но кой-кона инь сидеста ноляви валхнень содамасна—цебярь тевсь.
И сядовок пара, кда тя ули аф шта вихца, кошардозь, а эсьотям, валомне. Кода? Кепотьксонди, лавкаса (мезеньге рамама самста) ломанць няйсы, што тя илитона товарть, тяконь лувксса и ярхцамбяльть лемоц, тяштьф аф аньцек рузонь кяльса, но и, мярьктяма, мокшекс. И аф аш ни кода пяк ёмла букваняса, а рузонь вывескать мархта ряцок. Тяфтама кепотькс аф кунара няеме минць.
Саранскяйса Республиканскяй ульцяса ремонтта меле панжевсь «Пятёрочка» продовольственнай лавкась. И оцю кенярдемакс арась ся, што мишендемань залхнень эзга якамста сельмос повсть од вывескатне—синь ульсть кафта кяльса. Кепотьксонди, горячий хлеб—кши, молоко—лофца, алкоголь—алкогольсь… Тяда башка, кафта кяльса максфт и тяфтама лепне: служебное помещение—служебнай помещениясь, раздевалка—кайсема васта, санитарная комната—санитарнай комнатась, столовая—ярхцама васта.
Тяштьфнень ванондомста маладоме фкя рамайти. Елена Сергеевна ащесь лофца и лофцонь ярхцамбяль мархта полкатнень ваксса. Кизефтине мяленц тянь колга. Вов мезе сон отвечась:
—Рузаван, но кафта кяльса вывескатнень лувсайне эрявикс и цебярь тевкс. Мордовияса эряйхть руст, мокшет, эрзят, лия национальностень ломатть. И вов тяфтама вывескатнень вельде аф аньцек кафта-колма вал ули кода тонадомс, но и няфтемс мокшэрзянь масторть национальнай шамаликонц. Тяни содаса, што «молоко» валсь ётафтови кода «лофца».
Аш кода аф согласиндамс Саранск ошень эряйть Елена Сергеевнань мархта. Тяда башка, кда и лия лавкатне кармайхть товаронь лепнень ётафнемост мокшекс или эрзякс, ширезонк сашенды инжихневок шарфтыхть тянь лангс башка мяль.
Кода «Пятёрочкась» кярьмодсь тянди, кинь пряс сась тя мяльсь и арьсеви-аф мезевок тиемс сяда тов? Тянь колга тейнек пачфтсь «Пятёрочка» торговай сетьть пресс-службац. Вов кодама комментарий сон макссь: «Тя «Пятёрочка» торговай сетьть эсь инициативац. Лавкатнень оформляндамаснон коряс руководствать одкстоптоманц мяльса кирдезь, сон ушедсь тиендема Татарстанца, Башкирияса, Чувашияса, Мордовияса, Марий Элса, Удмуртияса, Комиса аф аньцек форматть лемонц (универсам), но и работань режимть, инфостендть, категориятнень лемснон навигацияса и персоналти служебнай табличкатнень коряс национальнай кяльса дубляшт. Тя однясь васендакиге ноляви тевс од и реконструкцияда меле лавкатнень эса. Валхнень кяльста кяльс ётафнесыне переводческяй бюрось».

Татьяна Альшина.
Фототне николай КАРАНОВОНЬ.

Последние новости

НИЛЬГЕМОНЬ КИЗА МАКССЬ УЧИТЕЛЕНЬ ТЕВТИ

Улема, эрсь мяляфтсы васенце учителенц, кона панжезень теенза содамошитненди...

Мордовиянь мастерхне—Беларусь Республикаса

Июльть васенце пялестонза Беларусь Республикань Могилевскяй областень Шкловскяй райононь...

Атери сашендсь Советскяй Союзонь Геройть Михаил Девятаевонь цёрац

8 июльста Советскяй Союзонь Геройти, легендарнай лётчикти М.П.Девятаевонди топодель...

РЕСПУБЛИКАВ САСЬ ОД ТЕХНИКА

«Экология» нацпроектть «Сохранение лесов» региональнай проектонц эряфс ётафтоманц рамкаса...

ВАНФТОЛЬХТЬ ЭРЯВИКС КИЗЕФКСТ

23 июльста Саранскяйса, Республикань Кудть конференц-залсонза, ётафтовсь Мордовия Республикань...

В Мордовии развивается система оказания первичной медико-санитарной помощи

В Мордовии в рамках национального проекта «Здравоохранение» развивается система...

НИЛЬГЕМОНЬ КИЗА МАКССЬ УЧИТЕЛЕНЬ ТЕВТИ

Улема, эрсь мяляфтсы васенце учителенц, кона панжезень теенза содамошитненди кенкшнень. Тейнек, Порапа велень шабатненди, тяфтама ломанькс арась Анна Николаевна Купряшкинась. Смузю, внимательнай, заботендай, но...

Мордовиянь мастерхне—Беларусь Республикаса

Июльть васенце пялестонза Беларусь Республикань Могилевскяй областень Шкловскяй райононь Александрия агроошкаса—Днепр ляйть трваса ётафтовсь «Купалье»—«Александрия собирает друзей» республиканскяй оцю ила. Эсонза примась участия кафта...

Атери сашендсь Советскяй Союзонь Геройть Михаил Девятаевонь цёрац

8 июльста Советскяй Союзонь Геройти, легендарнай лётчикти М.П.Девятаевонди топодель 107 киза. Шачема уженясонза, Торбеева посёлкаса, ётафтовсь лама интереснай ила. Ульсть панчфонь путомат, мужествань урокт,...