Тядяц маряй инксонза гордость

Николай Сидоров шачсь Атюрьевскяй райононь Кяшал велеса. Тонафнесь тястонь средняй общеобразовательнай школаса. Кода и велень лия цёранятнень, мялецоль улемс водителькс. Школать аделамдонза меле тонафнесь Атерень профессионально-техническяй училищаса. Но трудендамс водителькс ашезь сав. Сявозь армияв служама. Мзярда мрдась куду, водителень тевти ашезь кярьмоде, ушедсь вахтань методса якама Москуву. Тяфта ульсь снярс, мзярс ашезь сяве СВО-в. Кяшалонь од цёрась передовойса, пани врагть эса Российскяй од территориятнень эзда. Казьф боевой оцю казнеса. Кафксть ульсь отпускса.
Тядяц, Анна Антоновна, трудендакшнесь «Кишалинский» совхозса телятницакс, тинголангса. Аляц, Андрей Фёдорович, работась совхозонь фермаса. Трудонь кельги ломаттне касфтсть ниле итть: колма стирьхть и цёра. Татьяна и Лидия эряйхть и покодихть Москуса, Людмила эряй Атерьса, трудендай Торбеевань мясокомбинатса.
Вейхкса кизода инголе тусь эряфста Анна Антоновнань полац. Тяни мокшавать аньцек фкя надияма вастоц—цёрац. Инксонза пичеди седиец, эняльди Шкайти, штоба мрдаль куду шумбраняста-тазаняста.
Мокшавась цёранц мархта соткст кирди стирензон вельде.
Илья Сидоров.