УЧЁНАЙ, ПОЭТ, ГРАЖДАНИН

7 июньцта А.С.Пушкинонь лемса библиотекаса ётафтовсь торжественнай пуромкс, кона лемтьфоль мокшэрзянь лингвистть, общественнай деятельть, филологическяй наукань докторть, профессорть, Мордовскяй АССР-нь наукань Заслуженнай деятельть Дмитрий Тимофеевич Надькинонь шачема шиста 90 кизонь топодемати.

Торжественнай пуромксть аноклазе Мордовскяй (мокшень и эрзянь) народть Межрегиональнай общественнай организацияц.
Справканьке: Дмитрий Тимофеевич Надькин (1934-1992) шачсь Нижегородскяй областень Иванцева велеса крестьянонь семьяса. 1952 кизоня аделазе Лукояновскяй педагогическяй училищать, 1957 кизоня—отличия мархта Горьковскяй университетонь историко-филологическяй факультетть, 1967 кизоня—аспирантурать. 1967-1972 кизотнень работась научнай сотрудникокс Мордовиянь НИИЛЯИЭ-са. 1972 кизоста сявомок и 1992 кизоти самс покодсь М.Е.Евсевьевонь лемса МГПИ-са (тяни университет).

Сёрмадсь пцтай 60 научнай работа, мокшень и эрзянь кяльхнень тонафнемаснон коряс пособият.
Д.Т.Надькин 1989 кизоста сявомок и 1992 кизоти молемс ульсь «Масторава» национальнай обществань председателькс.
Торжественнай пуромксть панжезе Мордовскяй (мокшень и эрзянь) народть Межрегиональнай общественнай организациянц председателец, профессорсь Юрий Мишанин. Эсь выступлениясонза сон мярьгсь: кле, лац содазе Дмитрий Надькинонь, кода ломанень, учёнаень и общественнай деятелень, кона тись лама цебярьда мокшэрзянь народти. Мзярда сон вятезе «Масторава» мокшэрзянь васенце общественнай организациять, национальнай интеллигенциянь активсь эрь недяляня пуромкшнесь заседанияс. Дмитрий Тимофеевич, эрь кизефксть национальнай сфераса эряфс ётафтомста, фалу ащесь государственнай виде позицияса.
Тяфта жа оцю оценка Д.Т.Надькинонь путксонцты мокшень, эрзянь кяльхнень, национальнай культурать ванфтомаснонды-виияфтомаснонды макссь республикань культурань, национальнай политикань и архивнай тевонь министрть васенце заместителец Александр Карьгин.
Торжественнай пуромксть аделавомста няфтьфоль культурнай программа. Мокшэрзянь актёрсь и режиссёрсь Андрей Анисимов лувозе Д.Т.Надькинонь стихотворениянц эрзянь кяльса, а актёрсь Павел Михайлов морась мора, конань сёрмадозе лингвистть стихонц лангс. «Толава», «Ламзурь» и «Тяштеня» фольклорнай коллектифне морасть мокшэрзянь кунардонь пингонь морот.
Владимир ВЛАДИМИРОВ.

Последние новости

НИЛЬГЕМОНЬ КИЗА МАКССЬ УЧИТЕЛЕНЬ ТЕВТИ

Улема, эрсь мяляфтсы васенце учителенц, кона панжезень теенза содамошитненди...

Мордовиянь мастерхне—Беларусь Республикаса

Июльть васенце пялестонза Беларусь Республикань Могилевскяй областень Шкловскяй райононь...

Атери сашендсь Советскяй Союзонь Геройть Михаил Девятаевонь цёрац

8 июльста Советскяй Союзонь Геройти, легендарнай лётчикти М.П.Девятаевонди топодель...

РЕСПУБЛИКАВ САСЬ ОД ТЕХНИКА

«Экология» нацпроектть «Сохранение лесов» региональнай проектонц эряфс ётафтоманц рамкаса...

ВАНФТОЛЬХТЬ ЭРЯВИКС КИЗЕФКСТ

23 июльста Саранскяйса, Республикань Кудть конференц-залсонза, ётафтовсь Мордовия Республикань...

В Мордовии развивается система оказания первичной медико-санитарной помощи

В Мордовии в рамках национального проекта «Здравоохранение» развивается система...

НИЛЬГЕМОНЬ КИЗА МАКССЬ УЧИТЕЛЕНЬ ТЕВТИ

Улема, эрсь мяляфтсы васенце учителенц, кона панжезень теенза содамошитненди кенкшнень. Тейнек, Порапа велень шабатненди, тяфтама ломанькс арась Анна Николаевна Купряшкинась. Смузю, внимательнай, заботендай, но...

Мордовиянь мастерхне—Беларусь Республикаса

Июльть васенце пялестонза Беларусь Республикань Могилевскяй областень Шкловскяй райононь Александрия агроошкаса—Днепр ляйть трваса ётафтовсь «Купалье»—«Александрия собирает друзей» республиканскяй оцю ила. Эсонза примась участия кафта...

Атери сашендсь Советскяй Союзонь Геройть Михаил Девятаевонь цёрац

8 июльста Советскяй Союзонь Геройти, легендарнай лётчикти М.П.Девятаевонди топодель 107 киза. Шачема уженясонза, Торбеева посёлкаса, ётафтовсь лама интереснай ила. Ульсть панчфонь путомат, мужествань урокт,...