ВАНФТСАСЬК ПЕРЬФПЯЛЬТЬ ПОЖАРДА!

Пси, коське и вармаву погодать сюнеда Мордовиять территорияса ладяф вирьхненди пожаронь пельксонь 4 класс. Тянкса 1 июльста сявомок 8 июльти молемс аф мярьгондеви улендемс вирьхнень эса и аф сувсемс транспортнай средстватненди республикасонк вирень фондть территориянзонды.
«Лятфтасаськ, 1 июльста сявомок Мордовия Республикаса тевс сувафтф особай противопожарнай режим. Эняльттяма граждаттненди пяшкотькшнемс пожарнай безопасностень правилатнень: тяда ёря сардонят и цигарка пет, тяда крьвясне панжада тол мархт, тясть плхне тишеть и кархчнень»,—китькстазь МР-нь Вирень, охотничьяй хозяйствань и природопользованиянь министерстваса.
Кда няеде крьвязема, гайфтеда тяфтама номерхнень коряс:
—МР-нь Вирень, охотничьяй хозяйствань и природопользованиянь министерствав: 8(8342)23-41-50;
—Единай дежурно-диспетчерскяй службав: 112;
—Вирень хозяйствань Федеральнай агентствав: 8(800)100-94-00.
Особай противопожарнай режимонь условияса пожарнай безопасностень правилатнень коламанкса ладяв штраф:
—граждаттненди 40 тёжяньцта сявомок 50 тёжянти молемс цалковай;
—должностной лицатненди—60 тёжяньцта сявомок 90 тёжянти молемс цалковай;
—юридическяй лицатненди—600 тёжяньцта сявомок 1 миллионти молемс цалковай.