Ванондовсть коррупциять каршес примсеви мератне

МР-нь Оцюнять Артём Здуновонь председательстванц ала 22 июльста ётафтовсь регионца Коррупциять каршес работать ладяманц коряс комиссиять заседанияц. Эсонза примасть участия МР-нь Оцюнять и МР-нь Правительствань Администрациянь, ведомствань и общественнай организациянь представительхне, правоохранительнай блоконь структурань руководительхне.
Ванондовсть республикаса, государственнай властень и местнай самоуправлениянь оргаттнень эса коррупциять каршес примсеви мератне и тянь ширде закононь колсематнень коряс кизефксне.
МР-нь Энергетикань и жилищно-коммунальнай хозяйствань министерстваса коррупционнай закононь колсематнень инголдамаснон коряс работать ладяманц колга азондсь МР-нь Правительствать Председателенц заместителец—энергетикань и жилищно-коммунальнай хозяйствань министрсь Игорь Чадов. Сон мярьгсь, што коррупциять каршес тюремань национальнай планть пяшкотькшнеманкса кемокстаф 2021-2024 кизотненди коррупциять каршес мероприятиянь мольфтемань план. Сембе пингть ётафневихть государственнай гражданскяй служащайхнень ширде максф доходснон, карьхцснон, имуществаснон и обязательстваснон колга сведенияснон видексшиснонды проверкат. Тядде ётафтовсть проверкат подведомственнай учреждениянь кафта руководительхнень и кота гражданскяй служащайхнень лангс. Результаттнень коряс, должностной лицатне таргафт дисциплинарнай ответственностьс.
Примсевихть мерат, конат водендафт антикоррупционнай законодательствань вешфкснень государственнай закупкань сфераса ванфтомаснонды.
Зубово-Полянскяй муниципальнай райононь оцюнясь Владислав Поршин азондсь районца коррупциять каршес тефнень мольфтемаснон колга. 2021 кизоня Зубово-Полянскяй райононь прокуратурав кучф 425 нормативнай правовой акт уликс федеральнай и республиканскяй законодательстватнень вешфксснонды кондястикс улемань оценкань максоманкса, тяддень 6 ковонкса—220 правовой акт. Ётафневи местнай самоуправлениянь оргаттнень тевонь вятемаснонды ломаттнень верондамаснон кемокстаманц коряс работа.