Васькафтозь шарыень рамаста

«Стопмошенник13» телеграм-каналсь пачфни, што Саранскяйста инженерсь питнефтома объявлениянь сайтса шарыень рамамста юмафтсь пцтай 50 тёжянь цалковайхть.
Саранск ошень округонь 1№ полициянь отделть дежурнай частезонза заявления мархта сась 33 кизоса аля. Сон пачфтезе, што питнефтома объявлениянь сайтть эса мусь объявления автомобилень ниле шарыхнень мишендемаснон колга. Азфоль питнесновок—45000 цалковай. Самок мяльс синь рамамс, алясь тяштсь мишендити, а ся мярьгсь ётамс мессенджеру.
Мишендись и рамайсь састь мяльс, што шарыхне транспортнай компаниять вельде улихть прважафт сяка шиня и Саранск ошень эряйти кучфтольхть тянь колга документтнень и чекнень фотографиясна. Товарть инкса инголенди пандомада башка, мишендись мярьгсь ётафтомс ярмаконь средстват транспортнай компаниять услуганзон инкса—4000 цалковай. Ётафтомок азф счётти 49000 цалковай, рамайсь кучф трек-номерть коряс ёразе ваномс коса заказсь. Но тя теенза ашезь тиев. Гайфтемок транспортнай компаниять пси линиязонза, содазе, што тяфтама заказ аш и мзярдовок ашель. Мишендить кядьста ашезь удала мезевок кизефтемс, сяс мес ся тись рамайть лангс блокировка.
Алясь пшкядсь полицияв. Тя фактть коряс ушетф уголовнай тев, кона канневи РФ-нь УК-ть 159 статьянцты (мошенничествась).
Мордовия Республикать МВД-сь лятфни граждаттненди питнефтома объявлениянь сайттнень эса мошенничествань сидеста васьфневи случайхнень колга. Сявость мяльс несколька правилатнень, конат лездыхть теенть аф юмафтомс ярмаконтень товаронь рамамста:
.шарфнеда мяль мишендить рейтингонц лангс;
.тяда ётне «корхнема» мессенджерхненди, сембода пяк эста, кда корхтамась мольфтеви товаронь пафтемать колга;
.«Рамамс пачфтема (доставка)» мархта кнопкати аш кода улемс активнайкс аньцек мишендити;
.тяда панне товарть пачфтеманц инкса мишендить ссылканзон коряс, тяда ётне тяфтама ссылкав.
Пандоманди ссылкати сама сайтть администрациянц эзда.
Кда няйсасть, што мишендись васькафни, тапаряй тевть эса или вятьсы прянц аф шарьхкодевиста, пачфтеда тянь колга поддержкань службати.
Интернет сетть вельде рамамста или лия сделкань тиемста «кирдесть пилентень стяда» и тяда пова мошенникнень килькшс!