Вешендсь онлайн-подработка

«Стопмошенник13» телеграм-каналсь пачфнесы, што Россиянь УМВД-нь Саранск ошень округть эзга 4№ полициянь отделу пшкядсь 24 кизоса ава и пачфтсь каршезонза тиф мошенничествать колга.
Тонафнемань заведениянь преподавательсь азондозе, што социальнай сетьтнень эса вешендсь онлайн-подработка. Самай тяса мархтонза ладясть соткст кафта аф содафне и мярьгсть, што ули кода добувамс ярмак содаф онлайн-магазинца отзыфнень тяшнемаснон вельде. Васенда стирти эрявсь рамамс кой-кодама товар, ётафтомок инксонза пандомать азф счётти. А меле, кода пачфтсть аф содафне, теенза мрдафтовихть заказть инкса ётафтф ярмаконза и пандови работанц инкса. Варжамань васенце «рамафкста» меле стирсь афкукс получась ярмак, аф ламода сяда лама. Сяда меле теенза мярькфоль ётафтомс сяда лама средства товаронь рамамс. Тяфта, кле, добуват сяда лама. Стирсь ётафтозе азф суммать товаронь рамамс, но тя мезть мошенникне ашесть эряскода мрдафтомс ярмакть, и ушедсть вешема ярмак нинге—страховканди. Стирсь ёрась мрдафтомс карьхцяф эсь средстванзон, сяс панчсь кредитнай счётт и ётафтозе эрявикс суммать мошенникненди. Тяфта ульсь несколькаксть, сембоц ётафтсь 826955 цалковай. Шарьхкодемок, што повсь мошенникнень килькшс, стирсь пшкядсь полицияв.
Мордовия Республикать эзга МВД-сь лятфнесы: кирдесть «пилентень стяда» социальнай сетень группатнень эса работань вешемста. Тяда веронда вельф лама надияфнематненди, конатнень вельде бта ули кода лама добувамс. Эсь средствантень коза-бди ётафтомасна (бта сяда тов лама ярмак сай теенть)—васькафнема.