Мордовиянь Госсобраниять Председателец Владимир Чибиркин ульсь «Электровыпрямитель» ПАО-са, коса примась участия предприятиять 83 кизонь топодеманцты мероприятияса. Тя научно-производственнай комплекс, конань видеса мольфтеви промышленностень, энергетикань и транспортонь ламоц отрасляса силовой полупроводниковай приборхнень и оборудованиять разработкасна и нолдамасна (кода Россияти, стане и омба мастору).
«Заводть историяц ушедсь Великай Отечественнай войнать пингста, мзярда странати эрявсь военнай техникать работанц обеспечендаманкса продукция, а сяльде—тяниень пингть—народнай хозяйствать виияфтоманкса. Тяни «Электровыпрямительсь»—отечественнай полупроводниковай промышленностьса базовай компаниятнень эзда фкясь. Соньфтомонза аш кода решандамс странать и региоттнень социально-экономическяй касомань-вииямань кизефксснон»,—мярьгсь Владимир Чибиркин.
МР-нь Госсобраниять Председателец азсь благодарностень валхт предприятиянь ветераттненди, коллективти, а стане жа трудовой династиянь представительхненди цебярь работанкса. Благодарностень башка валхт—социально значимай и благотворительнай проекттнень ширеснон кирдеманкса и СВО-нь участникнень и синь семьяснонды лезксонкса.
Торжественнай мероприятияса максфтольхть казнет Мордовиянь Оцюнять, Правительствать и Госсобраниять эзда.
Заводонь покодихнень стане жа поздравляндазень «Электровыпрямитель» ПАО-ть генеральнай директороц Алексей Мясников. Предприятиянь инь цебярь работникненди и ветераттненди максфт казнет.