Владимир Путин казезень Мордовиянь эряйхнень

Российскяй Федерациянь Президентть Указонц мархта трудса сатфксонкса и лама киза седикс-ваймокс работаманкса «За заслуги перед Отечеством» II степенень Орденонь медальса казьфт:
-«Медоборудование» акционернай обществань токарсь Михаил Викторович Макаров;
-движениять мархта управлениянь Центральнай дирекциянь движениять мархта управлениянь Куйбышевскяй дирекциянь машина кинь станциятнень работаснон ладямань Пензенскяй центрань Саранск машина кинь станциять—«Российские железные дороги» ОАО-ть филиалонц начальникоц Александр Владимирович Петряков;
-моторвагоннай подвижной составонь Центральнай дирекциянь моторвагоннай подвижной составонь Куйбышевскяй дирекциянь—«Российские железные дороги» ОАО-нь филиалонь Рузаевка моторвагоннай депонь локомотивнай бригадань машинистсь-инструкторсь Евгений Владимирович Шмончев.
Стане жа строительстваса сатфксонкса и лама киза седикс-ваймокс работаманкса «Российскяй Федерациянь Заслуженнай строитель» почётнай лемсь максф «Специализированный застройщик «Саранский домостроительный комбинат» публичнай акционернай обществань освещениять и осветительнай сетьтнень коряс электромонтажникти Иван Никитович Войновонди.