Владимир Василькин путф Пенсионнай и социальнай страхованиянь фондть Отделениянцты управляющайкс

Россиянь Пенсионнай и социальнай страхованиянь фондть правлениянц председателенц Сергей Чирковонь приказонц мархта Мордовия Республикать эзга РФ-нь Пенсионнай и социальнай страхованиянь фондть Отделениянцты управляющайкс 2023 кизонь 1 январьста сявомок путф Владимир Василькин.
Владимир Ильич Василькин шачсь 1959 кизонь 18 январьста Мордовия Республикань Дубёнскяй райононь Антоновка велеса.
1983 кизоня М.Е.Евсевьевонь лемса МГПИ-ть шумордамдонза меле ушедозе трудовой кинц Мордовскяй АССР-нь Дубёнскяй райононь 8 кизонь Антоновскяй школань директоркс.
1986 кизоня кочкаф ВЛКСМ-нь Дубёнскяй райононь васенце секретарькс.
1989 кизоня—ВЛКСМ-нь Мордовскяй обкомонь васенце секретарькс.
1992 кизоста сявомок 1995 кизоти молемс—Мордовиянь Од ломанень союзть республиканскяй Советонц председателец, Саранск ошсь, Мордовскяй АССР-нь Имуществань фондть Дубёнскяй районть эзга представителец, Дубёнки велесь.
1995 кизонь январьста путф Мордовия Республикань Дубёнскяй райононь администрациянь оцюняти заместителькс.
2005 кизоня ульсь «Спецтрансавто» ООО-нь исполнительнай директоркс, Дубёнки велесь.
2006 кизоня путф Мордовия Республикань Оцюнять Администрациянц руководителенцты заместителькс—социальнай политикань Управлениянь начальникокс.
2012 кизоста сявомок 2015 кизоти молемс занцезе Мордовия Республикань Оцюнять Администрациянц Руководителенц заместителенц—внутренняй политикань Управлениянь начальниконь должностть.
2015 кизоста сявомок 2023 кизонь 1 январти молемс ульсь МР-ть эзга РФ-нь Пенсионнай фондонь Отделениянь управляющайкс.
Рьвяяф, кафта иденза.
Лятфтасаськ, Россиянь Социальнай фондсь ушедозе эсь работанц 2023 кизонь 1 январьста сявомок Пенсионнай фондть и Социальнай страхованиянь фондть марс пуроптомаснон вельде. Социальнай фондсь кармай пяшкотькшнемост сембе ся тефнень, конатнень вятезь ня кафта фонттне.