Кода пачфни «Стопмошенник13» телеграм-каналсь, Н.П.Огарёвонь лемса Мордовскяй государственнай университетонь студентсь ётафтсь мошенникненди 450 тёжяньда лама цалковай, штоба лемозонза афольхть сяве кредит.
Студентсь полицияв тяштьф заявлениясонза пачфтезе, што илять теенза гайфтсть аф содаф номерста. Гайфтись азозе прянц банконь безопасностень службань сотрудникокс и пачфтезе, што мошенникне ёрайхть сявомс лемозонза кредит. Тянь аф нолдаманкса, 2003 кизоня шачф цёрась лже-сотрудникть мярьгоманц коряс маластонь банкоматса ётафтозень эсь картастонза уликс сембе ярмаконзон бта аф пелькс счётс—сембоц 475994 цалковай. Тяда меле мошенниксь лоткась гайфнемда. Цёрась пшкядсь полицияв и тяштсь заявления.
Россиянь МВД-нь «Чамзинский» ММО-нь следовательхне ушедсть уголовнай тев «Мошенничество» статьять коряс. Ётафтовихть следственнай действият и оперативно-розыскной мероприятият, конат водендафт мошенникнень личностьснон содамаснон лангс.
Мордовия Республикать эзга МВД-сь лятфнесы, мзярдовок аф тиендема мезевок банковскяй картать мархта колмоце лицатнень мярьгомаснон коряс, хуш кикс синь эсь пряснон афолезь аза. Кда теенть тяфта кивок гайфти—эстокиге лоткафтость корхтамать. Тя лезды ванфтомс ярмаконтень.